STOKHOLM DE KIRDKÎ (ZAZAKÎ) SER O SEMÎNER
25.05.2014 de Stockholm de Kirdkî (Zazakî) ser o yew semîner virazîya. Semîner, Federasyonê Komeleyanê Kurdîstanî yê Swêdî (Federasyona Komeleyên Kurdistanê Li Swêdê), Kitabxaneyê Kurdî û Komeleya Nuştoxanî Kurdan (Komela Niviskarên Kurd) organîze kerdibi.
Semînerî seat 13.00 de dest pêkerd û seat 16.00 de qedîya.
Babetê semînerî ”Lehçeyê Kirmanckî (Zazakî) û Grûba Xebate ya Vateyî” bî. Semîner de endamî Grûba Xebate ya Vateyî û endamî Redaksîyonê kovara Vateyî Mehmed Selîm Uzun û endamî Grûba Xebate ya Vateyî Îhsan Esparî qisey kerdî.
Mehmed Selîm Uzunî hetî tarîx û cografya, nufus û nasname, dîn û mezheb, sîyaset û cematkî (komelkî) ra cayê kirdan (zazayan) ser o melumat da. Îhsan Esparî zî tarîxê nuştişî Kirdkî (zazakî) û xebatê Grûba Xebate ya Vateyî ser o qalî kerdî. Ziwanî semînerî Kirdkî û Kurmanckî bi.
Semedê semînerî hem hetî goştaroxan hem zî hetî medya ra eleqe zaf bi. Kurdîstan TVyî sere ra heta peynî fîlmê semînerî ant û yew dokumentasyon viraşt. ZAZA FM zî înternet ser ra semîner ganî (zindî) da. Goştaroxan hem persî xo pers kerdî hem zî derheqê kirdan û kirdkî (Zazayan û zazakî) de fikr û pêşnîyazî xo îfade kerdî.
