Suleyman Erdem/Siloyê Dirêj ji me xatir xwest!

Tevgera Demokratik a Kurdistan – TEVGER

Sitêrek din ji ezmanê Kurdistanê xuricî!

Îro (17.05.2021) me lehengekî doza neteweya Kurd wenda kir! Bi xatirxwestina hevalê me Silêmanê Dirêj yê hêja û bi rûmet, em gelekî xemgîn bûn!

Em wek hevalên Silêman, sersaxîyê ji gelê Kurd, malbata wî û hemî hezkirên wî re dixwazin, êş û xema wan ji kûrîya dil ve pardikin!

Silêman Erdem (Siloyê Dirêj), wek lehengekî doza Kurdistanê, wê di dilê me de bijî; wê bi tekoşîn, welatperwerî û xebata xwe ya pîroz di armancê me de zindî be!

Heval û hogirê me Sillêmanê Dirêj, di sala 1955an de li navçeya Dêrika Çiyayê Mazî gundê Heramîya ji dayik bû. Di temenê xwe yê biçûk de ket nav refê xebatkarên tekoşîna Kurd û Kurdistanê.

Ew di ciwanîya xwe de bû hezkir, alîgir û endamê Partîya Demokrata Kurdistan-Tirkîyê û wek endamekî RNK/KUK yê suriştî tekoşîna xwe berdewam kir.

Ew herdem tekoşerekî netewî yê bêwestan, çalak û mêîrxas bû. Ew tu demê ji tu xebat û çalakîya partî û rêhevalên xwe bi şûnde nema. Wî bawerîya xwe bi serxwebûn û yekîtîya neteweya Kurd anîbû û ji bo vê armanca xwe ji her fedekarîyê re amade bû. Ew ji bo rizgarîya Kurdistan gelek bi hêvî bû. Daxwaz û xeyala wî ya herî mezin, bi rêxistinîyek xurt bilindkirina tekoşîna rizgarîya Kurdistan û avabûna dewleta Kurdistanê bû.

Piştî derba leşkerî ya 12ê Îlonê 1980yî, ew jî bi hêvîya tekoşîn û serhildanê rahîşt çekê û berê xwe da çiyêyên Kurdistanê. Demekê pêşmergetî kir. Di sala 1983an ji alî hêzên ewlekarîya Tirk hat girtin û pênc sal û nîv di zîndanê dê ma!

Piştî ji zîndanê derket jî tu demê doza Kurdistan û hestên wî yê netewî qels nebû! Pêwendîyên xwe ji dost û hevalên xwe yê doza Kurdistanê nebirî, li ku, bi kê re û çiqas jê bihata, tekoşîna xwe dimeşand. Herî dawî, ji sala 2002an de, wek endamê Partîya Maf û Azadî (HAK-PAR) şaxa Amedê tekoşîna xwe berdewam dikir.

Hevalê mêrxas, şoreşgêrê doza netewî Siloyê Dirêj, tu herdem di dilê me de bijî!

Oxir be mêrxasê gelê xwe oxir be!

Geef een reactie

Het e-mailadres wordt niet gepubliceerd. Vereiste velden zijn gemarkeerd met *