PAKê li Amedê bi minasebeta Roja Rojnamegerîya Kurdî semînerek li dar xist

PAKê(Partîya Azadîya Kurdistanê) roja 23.04.2022yê bi minasebeta Roja Rojnamegerîya Kurdî li Teşkîlata Amedê ya PAKê semînerek li dar xist.

Lêkolîner û nivîskarên Kurd Ahmed Kanî û Seîd Veroj wek axaftvan beşdarî semînerê bûn.

Hanîfî Tûran moderatorîya semînerê kir.

Semîner bi rêzgirtina ji bo şehîdên Kurdistanê destpê bû.

Telewîzyonên kurdî eleqeyeke baş nîşanî semînerê dan.

Serokê Giştî yê PSKyê Mesut Tek, Berdevkê TDK-TEVGERê Cano Amedî, û gelek rêvebir û endamên PAK, PSK, TDK-TEVGERê û rewşenbîr û sîyasetmedarên kurd beşdarî semînerê bûn.

Di destpêka semînerê de Berdevkê PAKê Hanîfî Tûran daxuyanîya PAKê ya li ser Roja Rojnamegerîya Kurdî de xwend.

Paşê Ahmed Kanî di derbarê Rojnameya Kurdistanê de, Seîd Veroj jî di derbarê xebatên rojnamegerîya kurdî yên di dema dawî ya Osmanîyan de axaftin.

Rewşenbîr û sîyasetmedarên Kurd Îbrahîm Guçlu, Şêx Mîzbeh, Cano Amedî, Mustafa Kalpak jî piştî semînerê axaftin û hinek pirs pirsîn. Ahmed Kanî û Seîd Veroj jî bersîva van pirsan dan.

Semîner bi awayekî berhemdar bi dawî hat.
23.04.2022

Buroya Çapemenî û Ragehandişnê ya PAKê

Leave a Reply

Your email address will not be published. Required fields are marked *