Ciwanên Şoreşger di xizmeta kê de ne!

Tevgera Demokratîk a Kurdistanê     (TDK-TEVGER)
Tevgera Demokratîk a Kurdistanî      (TDK-TEVGER)
Kürdistan Demokratik Hareketi         (TDK-TEVGER)
Kurdistan Demokratische Bewegung (TDK-TEVGER)
Democratic Movement of Kurdistan  (TDK-TEVGER)

 


Gruba bi navê ”Ciwanên Şoreşger ” tevdigerin, li Rojavayê Kurdistanê, êrîş birin ser baregehên pîrozkirina Roja Alaya Kurdistanê û ofisa ENKSê şewitandin. Endamê desteya serokatîya ENKSê Silêman Oso li ser bûyerê dibêje ku “hejmarek ji Ciwanên Şoreşgêr êrîş kirine”.

Berpirsê “Hêzên Sûriya Demokratîk” Mazlûm Kobanî jî vê êrîşê şermezar dike û gruba êrîşkar wek grubek neyasayî û sabotajker bi nav dike. Medyaya nêzî PKKê jî van êrîşan wek êrîşên dewleta Tirk didin nasîn û ENKSê gunehkar dikin.

“Ciwanên Şoreşger”, ne cara yekem e ku êrîşî Alaya Kurdistanê dikin. Sala çûyî jî wek îsal, dîsa êrîşî baregehên pîrozkirina Roja Alaya Kurdistanê kiribûn. Herweha di 24ê Îlona 2021 de li Qamişlo, êrîşî xwepêşandanên ENKSê û Alaya Kurdistanê kiribûn.

Gruba bi navê ”Ciwanên Şoreşger”, li rojavayê Kurdistanê, ji alîyê desthilatdarîya ”Xweserîya Demokratîk” tên nasîn. Raya giştî ya Kurd gelek caran ji Êrîşên vê hêza provaqator û xizmetkarê neyaran agahdar bûye. Herweha, ev grûba provakator ji raya Kurdistanîyan re jî ne xerîb e. Ev grub di bin desthilatdarîya PKKê û desthilatdarîya PYDê de, ji bo karên ne yasayî tevdigere û êrîşî tevgerên derveyî herdu partîyan dike.

Êdî êrîşên vê tevgera destgirê dagîrkeran, pêwîst e bi dawî bibe. Erk û watinîyên desthilatdarîya Rojavayê Kurdsitanê ye ku divê PYD û HSD ku beşekî Rojavayê Kurdistanê di bin destê wan de ye, demildest çalakîyên vê hêza terorîst û provaqator bi dawî bîne û wan li ber raya giştî ceza bikin. Mesûlê hemî bûyeran li Rojavayê Kurdistanê, birêvebiriya ”Xweserîyê” ye. Di vî warî de, berpirsiyarîyek taybetî jî ya Mazlum Kobanî ye û divê ew bi wacibê jê tê hêvîkirin rabe!

Di dema ku dîyaloga Kurdî destpê dike, destekî tarî dirêjî nava dîyalogê dibe û pêşîya hevkarîyê asteng dike. Em wek TDK-Tevger, ji kîjan alî tê bila bê, derxistina astengan ji bo dîyaloga Kurdaî, dijî berjewendîyên miletê Kurd û Kurdistanê bi nav dikin.

Alaya Kurdistanê, hêjayî û sembola hevbeş ya neteweya Kurd û tevaya kurdistanîyan e. Girîng pîrozkirina roja Alaya Kurdistanê, rumet ji tekoşîna gelê Kurd ya rizgarî û azadîyê ye; rûmeta ji şehîdên Kurdistanê re ye. Êrîşên ser Alaya Kurdistanê, êrîşên, li dijî hêjayîyên neteweya Kurd û granbihayên Kurdistanê ne.

Bimre provaqatorî

Bijî hevkarî û yekgirtina tevgera neteweyî

Tevgera Demokratîka Kurdistanê (TDK- Tevger)

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir