MAMOSTE

Di van rojên dawî de li welatê me gelek buyerên sosret û kirêt rû dan. Li Rojava bi deh hezaran kes bi hinceta FETO ji kar hatin avêtin, binçavkirin û hatin girtin.

Li rojhelat jî bi hezaran kes bi tewanbarîya rêxistina terorî ji kar hatin avêtin.

Mîna hişmendiya li pey darbeya leşkerî ya 1980 ku ji çepgiran hinek kes bi darvekirin û li himber wan ji rastgir jî hinek kes bi darvekirin. Qaşo edalet pêk anîn.

Nuha jî bi heman hişmendiyê ku li rojava hinek kes girtin yan ji kar avêtin, li rojhelat jî divê

hinek karmend ji kar bêne avêtin: jibo edalet pêk were(!)

Li tevahîya Tirkiyê, li gorî gotinan 120 hezar mamoste endamê  EĞİTİM SEN`ê hene. Evana piraya wan ketin çalakîya karberdanê. Lê li rojava tu kes ji kar nehat avêtin û li hember wan lê pirsîn nehat vekirin.

Li rojhelat, hêmi mamosteyên ketin çalakîya kar berdanê ji kar hatin dûrxistin. 11285 mamoste yên kürd bi hinceta piştgrî dane rêxistina terorî ji kar hatin dûrxistin. Li Amedê

Mêrdînê Batmanê Şirnexê Wanê Ruhayê Hekkarî û Mûşê mamoste ji kar hatin avêtin.  Ev ne edalet e û ne demoqrasî ye jî.

Mamosteyên rojava jî endamê EĞİTİMSEN ê ne û ketin heman çalakiyê. Ev çalakî li gorî yasayên Tirkî ne sûc e. Ku sûc be, li her aliyê welêt sûce. Li rojhelat sûc li rojava ne sûc nabe.

Ev mamoste, di fermiyetê de, ji bo ketine çalakiya 29 ê meha 12 an ya ku bi banga HDP û Eğitimsen ê hatiye kirin, lê li gorî lîsteya çalakîya 12-13 cotmehê, ji kar hatine dûrxistin.

Ji ber ku çalakiya 29 ê meha duwanzdan tevlêbûna mamosteya pir hindik bû. Lê çalakiya 12 û 13`ê cotmehê (meha dehan) li hemî Tirkiyê sê roj şîn û hizin hatibû ilankirin ji aliyê hukumetê ve tevlêbûna vê çalakiyê pir bû. Wan jî ev lîsta çalekvanan bingeh girtin û ji kar dûr xistin…..

Li tevahiya Tirkiye`yê bi dehhezaran kes hatin girtin, ji kar hatin avêtin. Pirê vana maxdûr bûne. Gunehbar û bêguneh tevlî hev bûne.

Di pêş de, wê vana bêne berdan û vegerin ser karê xwe û di nava wan de pir kesên sûçdar jî wê xelas bibin.

Her sazî, her dewlet, mafdarê xwe biparêze, lê tiştê ku dewletê û sazîyek terorî ji hev cuda dike edalet e. Ku edalet nebe, dewlet dê bibe sazîyek terorî û rewatîya xwe wenda dike. Dewlet, divê ne bi hişmendîyek tolhildêr tevbigere. Divê bi edalet tevbigere; sûcdar û masûman ji hev cuda bike. Yan na wê şopa hesp û seh tevlî hev bibe.

Ez bi xwe demoqrasîyê naxwazim, min edalet divê. Demoqrasî ne mumkun e pêk were. Ji ber vê ez edaletê dixwazim. Ya edaleta Îlahi, ya beşerî lê edalet….

03 COTMEH 2016

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir