Em dijberê her haweyên êrîş û tehdîtên li ser her kesekî ne û wan tehdîtên li ser jîyana mirovan protesto dikin.
Rewşenbîr, siyasetvan û çalakdarê kurd birêz Îbrahîm Güçlü, di roja 02-04-2021 an de ji raya giştî re diyar kir ku; ew hatîye agadar kirin ku, PKK biryara kuştina wî da ye.
Birêz Îbrahîm Güçlü dibêje ku; hêzên ewlekarîya Tirkîyê wî agadar kirine ku; PKK hinek endamên xwe wezifedar kirine da ku wî bukujin!
Bêguman ev agadarî îdîayek e ku hêzên ewlekarîya Tirkîye gihandine cenabê wî. Ev îdîa ji alîyek ve ji ber kevneşopîya hest û helwestên PKK li bejna wê tê, lê ji aliyê din ve haweyê agadarîyê bîna têkdan û fesadî û tevlihevîyê jî jê tê.
Her rewş û îhtimala vê agadarîyê çi dibe bira bibe, em bi dijwarî her haweyên tehdît û êrîşên li ser her kesekî kurd, êrîşek li ser mafê jîyan û azadîya bîr û ramanan red dikin û rûreş dikin.
Em daxwaz dikin ku di leztirîn dem de PKK li ser vê agadarîyê bide û ji raya giştî re lênêrîna xwe diyar bike.
Herweha gereke hêzên ewlekarîya Tirkîyê agadarîyê di destên xwe de bi zelalî bi raya giştî re parve bike.
03-03-2021
Netewe.com
