Wezareta Karên Navxwe ya Tirkiyeyê qeyûm tayînî Şaredariyê Miksê ya navçeya Wanê Kir.
Sala 2015an dema Ayvaz Hazir wekî karmendê şaredariyê dixebitî bi îdiaya “tevî ku ne endamê rêxistinê ye li ser navê rêxistinê tawan kiriye” doz hatibû vekirin.
Piştî 9 salan dema Ayvaz wekî Hevserokê Şaredariya Miksê hat hilbijartin Dadgeha 4emîn a Cezayê Giran a Wanê biryara cezakirinê da.
Li gorî biryara dadgehê ji bo Hevserokê Şaredariya Miksê Ayvaz Hazir 3 sal û 11 meh cezayê girtîgehê hatiye dayîn.
Wezareta Karên Navxwe ya Tirkiyeyê ragihand ku ji ber ku Ayvaz Hazir ceza wergirt li şûna wî Qeymiqamê Miksê Harun Arslanargun wekî qeyûm hatiye tayînkirin.
Şaredariya Miksê salên dirêj di destê AK Partiyê de bû û sala 2014an Mehmet Garîp Aykut ji BDPyê wekî hevserokê şaredariyê hatibû hilbijartin.
Piştî 10 salan 31ê Adara îsal berbijêrê DEM Partiyê bi ser ket.
Biryara Wezareta Karên Navxwe ya Tirkiyeyê heta niha qeyûm tayînî 7 şaredariyan hatine kirin ku ji wan 5 ên DEM Partiyê ne.
Rûdaw
