PWK: Bîrên ma namzedê xo yo hemparî pêro pîya tesbît bikerî û bajarê xo pêro pîya îdare bikerî!

Seke şima zanî 31ê adare 2024 de Tirkîya û Kurdîstanê Vakurî de weçînayîşê beledîyan virazênî.

 

Ma vanî ke, heta ewro pê tecrubeyo ke ma weçînayîşanê beledîyan ra giroto û bi yew tewro newe û bi yew xerîteyo ke rayîr nîşanî ma dano, ma eşkenî xo weçînayîşanê beledîyan rê hazir bikerî û ma ganî xo hazir bikerî.

 

Bi no amanc a partîya ma eşkena Vakurê Kurdîstanî de heme bajar, qeza û beldeyan de semedê serekîya beledîyan û azayîya encumenan bi partîyanê sîyasîyan, rêxistinanê meslekîyan, sendîkayan, rêxistananê sîvîlan yê komelkîyan û merdimanê qedrberzan reyde her şaristan, qeza û beldede kombîyayîşanê muşterekan viraza.

 

Reyna bi no hewa ma eşkenî (bese kenî) tayê bajaranê Tirkîya de zî platformanê hemparan virazî û serek û encumenanê beledîyan pîya tesbît bikerî.

 

Bi xerîteyêko rayîr nîşandano nika ra ma Kurdîstanê Vakurî de her bajar, qeza, belde û hettta heme ca û warê ke mumkun o tede kombîyayîşanêinasarênan virazî do zaf hol bibo.

 

Bi no amanc a ma eşekenî sey gamêka verên Dîyarbekir de dest pêbikerî. Dima ra eynî çî ma eşkenî bajaranê bînan de zî bikerî.

Bi vengdayîşêPlatformê Pawitiş û Paştdayîşê Şaristanî kombîyayî şêko hempar eşkeno bêro amadekerdiş.

 

Lazimo ke partîyê sîyasî, cîya-cîya grûb û hereketî, Dezgehê Sîvîlî yê Komelkî (DSK) yê ke endamê Platformê Pawitiş û Paştdayîşê Şaristanî yê û DSKyêbînê ke teberê nê platformî de yê, rêxistinê meslekî yê girseyî, sendîkayî ûsn yê ke Dîyarbekir de est ê û merdimê qedrberzî yê ke wayîrê bandorî yê, temsîlkarê rêxistinanê cinîyan yê sîvîlan yê komelkîyan, kesanê ke verêcû serekîya beledîya û encumenîya bajar û qezayan kerdo, perwerdekarî, akademîsyenî, zanyar û pisporê îdareyê şaristanan, pisporê plankerdişê bajar û derûdorî, tarîxnasî, ziwannas û zanayoxê kulturî, huqûqnasî, ekonomîst û sosyalogî beşdarî nê kombîyayîşan bibî.

 

Kombîyayîşo verên de merdim bixebitîyo ke semedê namzedê serekîya beledîya yew namzedê/a hemparî/e ser o pê bikero. Eke yew namzedî/e ser o pêkerdiş virazîya, ey ra pey, seba xususîyetanê namzedê/a serekî/a yê/ya beledîya, çarçewa sîyasî ya hempare û prensîbanê îdarekerdişê beledîya û sewbîna çîyan 7 rojî cuwapey kombîyayîşê dîyinî virazo.

 

Kombîyayîşê dîyinî de merdim hewl bido ke xususîyetanê namzedê serekî yê beledîya, çarçewa sîyasî ya hempare û prensîbanê îdarekerdişê beledîya ser o çarçeweyêko hempar tesbît bikero.

 

Kombîyayîşanê ke dima ra yenî de bi pêkerdiş do namzedê namzedey yê serekîya beledîya ya hempare û namzedê encumenîye ya bajar û qezayan bêrî tesbîtkerdiş. Namzedê namzedey yê serekîya beledîyan yê hemparan de ganî nê xususîyetî bibî: namzedê serekîya belediyan ganî kesê ke goreyê rastîya etnikî, dînî, mezhebî, komelkî, kulturî ûsn yê her bajar, qeza û beldeyî û esasê beşdarbîyayîş, demokrasî, heq û azadîyanê heme kesîmanê komelî rê rêzdarî, seba beledîyetîyazaf ziwaneyî heqîqeten eşkenî bajaranê ma îdare bikerî, nê kesî bî.

 

Ganî şaredarîyê ma bi hawayêko aktîf bixebitê ke, perwerdeyîya bi ziwanê kurdkî (kurmancî û kirdkî-zazakî), heqê azadiya fikrî, dînî, bawerî, xorêxistinkerdiş û xoîfadeketdiş Qanûnê Esasî de bêrê qebûlkerdiş û qanûnanê eleqedar de bêrê karantîkerdiş. Ganî nameyê bajar, qeza û heme ca û wareyê bi kurdkî, pa nameyanê bi tirkî bêrê şuxulnayîş. Ganî cayê mezelê Şêx Seîd, Xalid Begê Cibrî, Seyîd Riza, Seîd Nûrsî û heme kesayetîyê Kurd yê ke cayê mezelê înan bewlî nîyê, hetê Dewleta Tirkîya ra bêrê aşkerekerdiş.

 

Partîya Welatparêzanê Kurdistanî (PWK) do demêko kilm de, Vakurê Kurdistanî de derheqê îdarekerdişê beledîyeyan, prensip, program û rayabazan de çend rojanê vernîya ma de aşkere bikero.

 

Namzedê serekîya beledîyan yê ke ma muştereken tesbît kenî ganî merdimê ke mîyanî komelî de yenî şinasnayîş, yenî heskerdiş, layîqê nê karî yê, derheqê nînande şaîbe çinî yo, kesê winasên bî û şefaf yew şekil de muşterek bêrî tesbîtkerdiş.

 

Programê xebate yê namzedanê hemparan, prensîbê îdarekerdişî, ekîp û kadroyê xebate yê nê beledîyan pîya yenî viraştiş.

 

No zemîn de pêkerdiş virazîya ra pey namzedê hemparî yê serekîya beledîya û nameyê kamcîn partîye ser o şinî weçînayîş ma do o wext tesbît bikerî.

 

Ma pêro pîya eşkenî bi Weçînayîşê Îdareyanê Herêmî yê 31ê adare 2024î bajaranê xo de bingeyêŞertê Otonomîya Îdareyê Herêmî yê Ewroparonî û bi no zanayîş û sîyaset a xebata weçînayîşan bidomnî.

 

Belê, bi no zanayîş û bi na hişmendî ya, bîrên ma dest bidi yewbînan û pêro pîya Weçînayîşanê 31ê adare 2024î de helwêstêko muşterek tesbît bikerî.

 

Semedo ke ma dest bi prosesêko winasî bikerî ma veng danî heme Dezgehanê Sîvîlan yê Komelkîyan (DSK) û heme partî, dezgeh û sazgehanê bînan yê ke şaristanê ma de est ê.

03.01.2024

 

Meclîsa Partîye ya Partîya Welatparêzanê Kurdistanî (PWK)