Nûnerê Serok Barzanî, Felah Hesen di çarçoveya beşdariya di Konferansa Partiyên Demokrat ên Cîhanê li Washingtonê de, bi serokwezîra berê ya Brîtanya Liz Truss re civiya.
Serokê Kongreya Ciwanên Kurd ên Derveyî Welat Felah Hesen li ser facebooka xwe nivîsî: “Bi nûneratiya Serok Barzanî, di dema beşdarbûna me di Konferansa Partiyên Demokrat ên Cîhanê li Washingtonê de, ez bi serokwezîra berê ya Brîtanya Liz Truss re civiyam.”
Felah Hesen da zanîn: “Me bi Truss re behsa rewşa Herêma Kurdistanê û Iraqê kir. Me daxwaz ji wê kir ku piştgirî û alîkariya Herêma Kurdistanê bikin.”
Got jî: “Serokwezîra berê ya Brîtanya Liz Truss silav ji gelê Kurdistanê û Serok Mesûd Barzanî re şandin û got jî: Herêma Kurdistanê di şerê li dijî terorîstên DAIŞê de, pêgeheke navdewletî û baweriyeke navdewletî bidest xistiye. Ev yek jî ji aliyê welatên demokrat û alîgirên demokrasiyê yên ku piştevaniya Herêma Kurdistanê dikin, cihê rêzê ye.”
