Îro 07.06.2021 heftemîn salvegera biryara rêveberiya siyasî ya herêma Kurdistanê ya ji bo birêvebirina referandûma serxwebûna Kurdistanê ye.
Roja 7ê Hezîranê 2017ê bi serpereştiya Serok Barzanî rêveberiya piraniya partiyên siyasî û nûnerên pêkhateyên li başûrê Kurdistanê civiyan. Di wê civîna li ser daxwaza Serok Barzanî pêkhat de, rêveberên partiyên siyasî û nûnerên pêkhateyên Kurdistanê biryar dan, roja 25.09.2017ê referandûma serxwebûna Başûrê Kurdistanê pêkbê.
Roja 25.09.2017ê wek cejn û karnavalekî netewî bû ji bo Gelê Kurdistanê û gel li hemû bajar û bajarokan çûn ser sandoqa dengdanê û piştî encam jî hatin aşkera kirin sedî 93 xelkê Kurdistanê deng ji bo serxwebûna Kurdistanê da.
