Hevpeymaniya Navdewletî di îlonê de bi sedan ji barhilgirên çekan derbasî Rojavayê Kurdistanê kirine û her wiha li gel HSDyê perwerdeyên leşkerî û operasyonan li dijî DAIŞ’ê dewam dike.
Rêxistina Çavdêriya Mafê Mirovan a Sûriyê (SOHR) destnîşan kir, hevpeymaniyê di îlonê de 107 barhilgir û 3 balafirên çek û cebilxaneyan derbasî Rojavayê Kurdistanê kirin.
Her wiha li gorî rêxistinê Hevpeymaniya Navdewletî 4 perwerdeyên leşkerî li baregehên xwe bi tevlîbûna endamên HSD’ê pêk anîne.
Rêxistinê diyar kir, hevpeymaniyê û HSD’ê 5 operasyon li dijî şaneyên DAIŞ’ê li Bakur û Rojhilatê Sûriyê pêk anîne û di encamê de 22 çekdar girtine. (C8)
