Daraza Îranê li bajarê Bokan ê Rojhilatê Kurdistanê, piştî girtina jina Kurd a bi navê Zehra Sacdînya ya 38 salî ku îdamên rejîma Îranê protesto kiribû, 10 meh cezayê girtîgehê li ser sepand.
Ajansa Nûçeyan a Çalakvanên Mafên Mirovan a Îranê (HERANA) ragihandiye ku Zehra Sacdînya dayika 3 zarokan e û ji aliyê şaxa 101 ya Dadgeha Keferî ya Bokanê ve, 10 meh cezayê girtîgehê lê hatiye birîn.
Hate diyarkirin ku cezayê girtîgehê bi hinceta ‘Propagandaya dijî dewletê’ li ser Zehra hatiye sepandin.
Meha Gulana îsal piştî Zehra Sacdîniya ji aliyê Daîreya Îstîxbarata Bokanê ve hatibû gazîkirin, hatibû binçavkirin û ew şandibûn Urmiyeyê. Sacîdinya piştî lêpirsînê, bi kefaletê hatibû berdan.
