Serokwezîrê Herêma Kurdistanê Mesrûr Barzanî ragihand, hîn jî hêzên PKKê ji Şingalê derketine û gunehê vê yekê jî dikeve stûyê Bexdayê.
Serokwezîr Mesrûr Barzanî îro li ser rewşa Kurdistanê û pêwendiyên Hewlêr û Bexdayê press konferansek li dar xist.
Mesrûr Barzanî di beşek ji daxuyaniyên xwe de behsa rêkeftina Şingalê kir û diyar kir, hêzên PKKê yan ewên ser bi PKKê ve ne, ji bo çend demjimêrên diyarkirî baregehên xwe vala kirin û paşê bi cilûberg û unîformên nû vegeriyane nav Şingalê û “mixabin hinek ji wan di bin navên cuda de di nava saziyên hikûmeta federal de hatine wergirtin.”
Serokwezîr Barzanî di bersiva pirseke têkildarî danûstandinên Kurdî-Kurdî yên li Rojavayê Kurdistanê de jî ragihand, ew piştgiriya diyalogê dikin, lê tekez kir, “Nabe aliyek ji ber hêz û desthilata xwe, xwe li ser aliyên din bisepîne.”
Mesrûr Barzanî got: “Em piştgiriî li her diyalogekê dikin ji bo ku bigihên rêkeftinekê ku di berjewendiya xelkê de be.”
Serokwezîrê Herêma Kurdistanê di beşeke din a konferansa rojnamevaniyê de, behsa hebûna PKKê li Başûrê Kurdistanê kir û diyar kir, “PKK xwe weke alternatîfa hikûmetê dibîne.”
https://www.basnews.com/kr/babat/653962
