Li ser biryargirtin û vexwendina Komîteya Rêvebir, Kongreya Koç-Kak li Hollanda bajarê Arnhem li salona xanîyê komelê li darket.
Bi amadebûna piranîya endaman û piştî deqeyek temene girtin ji bo şehîdên Kurd û Kurdistan û hilbijartina endamên rêvebirina Kongreyê, dest bi civîna Kongreyê hat kirin.
Li ser rojeva ku ji alî Komîta Rêvebir hatibû pêşniyarkirin û ji alî endaman hate pejirandin, civîn bi rêve çû.
Komîta rêvebir di derbarên xebata komeleyê de raporên xwe pêşkêş kirin.
Rewşa welatê me Kurdistan ya sîyasî û civatî, bi Rojhilata Navîn û rewşa cîhanê ve girêdayî hat nîrxandin.
Ji alî endaman de li ser kar û xebata komelê bi giştî ya derbasbûyî hat rawestandin û wê di pêşerojê de çi xebat bê kirin hat gengeşekirin.
Bi giştî li ser rewşa jîyana Kurdên li dîyaspora dijîn, xabat û pirsgirêkên wan yê sîyasî, çandî, perwerde û entegrasyonê hat rewestandin.
Wek komele, endam û rêvebiran, pirsgirêk û berpirsîyarîyên xwe destnîşan kirin, ji bo kar û xebata li pêş Komelê biryar girtin.
Bi hêvî û temenîyên ji dil û hilbijartina Komîta Rêvebir Kongre bi dawî hat.
Rêvebirîya Komela Çanda Karkirên Kurdistan
KOÇ-KAK
