Nêçîrvan Barzanî; Peyamî awadankirdinewe û be parêzgabûn dide xelkê Şingal
Birêz Nêçîrvan Barzanî Serok Wezîranî Herêmî Kurdstan، peyamî awdankirdinewe û beparêzgabûn didate xelkî Şingal. Berêzyan le peyamêkda azadkirdinewey Şingalî le gelî Kurdistanbegiştî û kurdanî êzîdî bitaybetî pîrozkird û radegeyenêt ke be zûtrîn kat hemû hewlêk deden bo ewey hemû xizmetguzarîye binçîneyekan bo xelkî deverî Şingal dabîn bken. herweha le peyamekeyda zor supasî emerîka dekat bo hawkarîkirdinyan le hêrîşî kontrolkirdinewey Şingalda.
Emeş deqî peyamekeye:
Xoşhalim ke hawhest legel hemû gelî Kurdistanû hemû azadîxwazanî cîhanda، be nawî Hukumetîherêmî kurdstanewe، pîrozbayî le berêz Mesûd Barzanî Serokî Herêmî Kurdistanû fermandey giştî hêze çekdarekan û serperştyarî giştî operasyonî azadkirdinewey Şingal û hemû pêşmerge qaremanekanî ew dastane bkem. herweha pîrozbayî le gelî Kurdistan begiştî û betaybetî kurdanî xoşewîstî êzdî û mîrî êzdîyan û Babeşêx û endamanî Civatî Rûhanî û hemû xelkî deverî Şingal dekem beboney azadkirdinewey deverî Şingal، serî rêzîş bo giyanî pakî şehîdanî ew neberdîyeî pêşmerge dadenewênim û hawxemî kesûkaryanîn û hîway zûçakbûnewe bo brîndaran dexwazim.
Her lêreda zor supasî serokayetî û îdare û supa û gelî Emerîka dekeyn bo yekdengîyan leser yarmetîdanî pêşmerge û hawkarîyan le operasyonî azadkirdinewey Şingalda. Zor supasî hemû wlate beşdarekanî hawpeymanî dijî DÎIŞdekeyn û supasî hemû wlate dirawsê û dostekan dekeyn ke pştîwanî gelî Kurdistan bûne le berperçdanewey DÎIŞû dûrxstneweyan le xakî Kurdistan û piştîwanîkirdinyan le parastinî azadî û pêkewejyan le Kurdistan.
Azadkirdinewey Şingal bo ême wek gelî Kurdistanû hemû azadîxwazan û mirovperweranî cîhan، manayekî zor gewrey heye. Tîrorstanî DÎIŞ karî zor wehşîgeryaneyan le Sûrya û Iraq û nawçekeda encam dawe، belam komelkujî û wehşîgerî here gewreyan le Şingal encam da. DÎIŞ enfalêkî tazey le Şingal le beramber Netewey Kurd encam da، sedan afret û kiçî kurdî revand، herçende be hewlekanî Hukumetî Herêmî Kurdistan jimareyekî zoryan rizgar kirawin، belam bedaxewe hêşta zoryan lejêr destî DÎIŞ da mawin û taku yek afretî kurdî êzdîş le dest DÎIŞ da mabit، xemî komelkujî Şingal le nax û hestî êmeda tewaw nabit. Ême hemû hewlêk didin bo rizgarkirdinî hemû afretakan man le dest dDÎIŞ، herweha Hukumetî Herêmî Kurdistan hewlekanî dirêje pêdedat bo nasandinî komelkujî Şingal le astî nêwdewletîda wek cînosayd.
Le encamî hêrîşî wehşîgeryaney tîrorstanî DÎIŞ، Şingal dûçarî wêrankarîyekî zor gewre buwe. Ême pêştirîş leser mezarî Şerefedîn le deverî Şingal ramangeyand û êstaş dûpatî dekeynewe ke dabînkirdinî xizmetguzarîyekan û awedankirdinewe û geşepêdanî şarî Şingal û devereke begiştî، karêkî lepêşîney Hukumetî Herêmî Kurdistan dibêt، Dawa le komelgey nêwdewletîş dekeyn hawkarman bin. Herweha be xelkî xoşewîstî Şingal radegeyenim ke hemû hewlêk dedeyn le ruyê yasayî û îdarîyewe piştîwanî le dawakarî xelkî devereke bikeyn bo ewey Şingal bikirête parêzga.
Dûbare em serkewtine le hemû gelî Kurdistanpîroz bit.
Nêçîrvan Barzanî
Serok Weziranî Herêmî Kurdstan
13/11/2015
çavkanî:gov.krd.org
