Nêçîrvan Barzanî bi Nûnera Taybet a Neteweyên Yekbûyî ya Îraqê Jeanine Hennis-Plasschaertê re civiya
Serokê Herêma Kurdistanê, Nûnera Taybet a Neteweyên Yekbûyî ya Îraqê pêşwazî kir û wan mijara hilbijartinên Parlamentoya Kurdistanê gotûbêj kir û têbîniyên partiyên siyasî yên li ser wê pêvajoya axivîn.
Serokê Herêma Kurdistanê Nêçîrvan Barzanî li Hewlêrê bi Nûnera Taybet a Neteweyên Yekbûyî ya Îraqê Jeanine Hennis-Plasschaertê re civiya.
Serokatiya Herêma Kurdistanê li ser civînê daxuyanî da.
Di daxuyaniyê de hat gotin:
Di civînê de rewşa siyasî ya Îraq û Herêma Kurdistanê, pirsgirêka hilbijartinên Parlamentoya Kurdistanê hatin gotûbêjkirin.”
Serokatiya Herêma Kurdistanê herwiha da zanîn:
“Her du alî li ser pêwîstî û girîngiya lidarxistina hilbijartinên Parlamentoya Kurdistanê hevdeng bûn û tekezî li ser têbîniyên aliyên siyasî û hewlên berfireh ên ji bo rakirina astengiyên li pêşiya pêvajoyê kirin.”
Pirsgirêkên Hewlêr û Bexdayê û pêşhatên dawî mijareke din a civînê bû.
Rudaw
