Zarokeke Kurd ku nêzîkî du mehan e li taxa Şêx Meqsûd a Helebê ji aliyê Tevgera Ciwanên Şoreşger ya ser bi Rêveberiya Xweser ve hatiye revandin, heta niha çarenivîsa wê ne diyar e.
Malbateke Kurd a Helebê ji K24ê re ragihand, keça wan Stêr Ehmed ya 14 salî ji 16 Mijdara 2023an ve li taxa Şêx Meqsûd ji aliyê Tevgera Ciwanên Şoreşger ve hatiye revandin û heta niha .
Diyar kir jî, keça wan Stêr jidayikbûya sala 2009an e û ji pêş deriyê dibistana xwe “Selahedîn Eyûbî” hatiye revandin.
Malbata Stêrê bi rêya K24 bang li hemû rêxistinên mafên zarokan, rêxistinên yasayî û navdewletî û aliyên pêwendîdar dikin ku fişarê li Rêveberiya Xweser û Hêzên Sûriyeya Demokratîk (HSD) bikin ta ku çarenivîsa keça wan diyar bikin.
Taxên Eşrefiyê û Şêx Meqsûd ên Helebê, wek taxa Kurdan tê nasîn û di destê YPG/HSD de ye û Rêveberiya Xweser jî lê hatiye ragihandin. Piştî dagîrkirina Efrînê ji aliyê artêşa Tirkiyê û grûpên çekdar ên ser bi wê ve, hejmarek mezin ji Kurdên Efrînê lê bi cih bûne.
Tevgera Ciwanên Şoreşger, rêxistinek ser bi Rêveberiya Xweser ve ye û berê gelek zarok û ciwanên Kurd li herêmên cuda yên Kurdî revandine û biçek kirine.
