Wezîrê Karên Derve yê Îsraîlê Gideon Saar got, “Divê êrişên li ser Kurdan bên rawestandin û civaka navneteweyî li hemberî wan mêrxana berpirsiyar e.”
Tehrîr El Şamê doh Şama paytexta Sûriyeyê kontrol kir û dawî li desthilata Beşar Esed hat.
Piştî vê yekê grûpên çekdar ên nêzikî Tirkiyeyê bi taybetî li Minbicê bi piştgirya Tirkiyeyê êrişên xwe yên li Rojavayê Kurdistanê zêde kirine.
Tirkiye hewl dide Minbicê ji konrola Rêveberiya Xweser derxe û ji ber vê yekê şer û pevçûnên giran derdikevin.
Wezîrê Karên Derve yê Îsraîlê Gideon Saar civîneke çapemeniyê li dar xist û tê de rewşa Sûriyeyê û êrişên li ser Kurdên Rojavayê Kurdistanê jî nirxandin.
“Civaka navneteweyî li hemberî wan mêrxana berpirsiyar e”
Gideon Saar di axaftina xwe de behsa kêmneteweyên li Sûriyeyê û parastina wan kir û got:
“Min tekezî li ser giringiya parastina kêmneteweyên li Sûriyê kir.
Wekî ku me doh li Minbicê dît divê êrîşên li ser Kurdan bên rawestandin!
Em bi hevalên xwe yên li hikûmeta Amerîkayê û welatên din re li ser vê yekê diaxivin.
Berpirsiyariya civaka navneteweyî li hemberî wan kesên ku bi mêrxasî li dijî DAIŞê şer kirine û li Sûriyeyê jî faktoreke aramkirinê ne heye!”
Rûdaw
