Serok Mesûd Barzanî pêşwazî li Nûnerê Taybetî yê Serokê Amerîka yê Karûbarê Sûriyê James Jeffrey û şanda pê re kir, ku ji Konsolê Amerîka li Hewlêr Steven Fagin û Fermandeyê Hêzên Amerîka li Sûriye General Erick Hell û hejmarek şêwirmendê serbazî û siyasî ya Wezareta Derveyê Amerîkayê pêk hatibûn.
Di hevdîtinê de Nûnerê Taybetî yê Serokê Amerîka yê Karubarê Sûriye pesnê wê aramî û geşbûnê kir ku li Herêma Kurdistanê da li holê daye û tekez jî li ser pêşveçûna peywendiyên di navbera welatê xwe û Herêma Kurdstanê kir.
Her di vê hevdîtinê de Nûnerê Taybetî yê Serokê Amerîka yê Karûbarê Sûriyê serxweşiyê li Serok Barzanî û gelê Kurdistanê kir ku bi sedema şehîdbûna hejmarek Pêşmerge li êrîşên vê dawiyê ya terorîstên DAIŞê li ser sengerên hêzên Pêşmergeyên Kurdistanê û her dû alî tekez li ser hemahengî û karên hevbeşa artêşa Amerîka û Hêzên Pêşmergeyên Kurdistanê li şerê dijî terorîstên DAIŞê de kirin.
Rewşa siyasiya Iraq û pêşketinên dawî ya li proseya siyasî û daxwaziyên xwepêşanderan mijareke dinê vê hevdîtinê bû û her du alî dilgiraniya xwe li pêşketina tundutîjî û têkçûna aramiya Iraqê nîşan dan, ku bandorê li ser xwe rêkxistin û zêdebûna êrîşên terorîstên DAIŞê bi cîh dihêle.
Her di vê civînê de guhertinên dawî yên bakurê rojhilatê Sûriyê û hevkêşeyên meydanî hatin nirxandin û tekez li wê yekê kirin ku di her guhertinek de, pêwîst e rê li guherîna demografiya navçeyê bê girtin û êdî rê nedin gelê Kurd li Sûriye tûşî êş û azar û koçberiyê bibê. Di derbarê rewşa Rojavayê Kurdistanê Nûnerê Taybetî yê Serokê Amerîka yê Karûbarê Sûriyê ragihand, me pêwîstî bi şêwirîn û hevkariya Serok Barzanî heye.
