Serokê berê yê Encûmena Parêzgeha Kerkûkê dibêje, rewşa Kerkûkê ne asayî û nedestûrî ye. Herwiha got jî: Proseya erebkirina Kerkûkê wek dema rejîma Beis berdewam e.
Serokê berê yê Encûmena Parêzgeha Kerkûkê Rêbiwar Talebanî îro 9ê Nîsanê ji K24ê re ragihand, heman zihniyeta ku di sedsala borî de Iraq û Kerkûkê îdare kiriye, niha îdareya Iraq û Kerkûkê dike.
Rêbiwar Talebanî got, serkirdeyên siyasî yên niha yên Iraqê, wek di dema rêkeftina 11ê Adara 1970ê de, rêkeftin û sozên opozîsyonê bi taybet di her du kongreyên London û Selahedîn de, poşman bûne.
Amaje bi wê jî kir, her çend e kurdan rewşa Kerkûkê diyar kiriye, lê rewşa niha ya Kerkûkê, weke rewşa dema rejîma Beis û piştî bûyerên 16ê Cotmehê ye.
Rêbiwar Talebanî tekezî li ser wê yekê jî kir, serok û serokwezîrên Iraqê ji piştî sala 2003an, berpirs in ji ber cîbicîkirina destûr û madeya 140.
Got jî, divê rewşa bajêr vegere berî sala 1968 were û xelkê wê yê resen biryarê li ser çarenivîs û rêvebirina bajêr bidin û nûnerên xwe bo parlamentoya Iraqê û encûmena bajêr hilbijêrin.
Rêbiwar Talebanî tekez kir, proseya erebkirina Kerkûkê, wek ya di serdema rêjîma Baas de berdewam e û her roj destdirêjî li ser mal û milkên kurdan li bajêr tê kirin.
