Siyasetmedarê Kurd Omer Şêxmûs bo K24ê ragihand ku seredana serokwezîrê Herêma Kurdistanê ya Mesrûr Barzanî ya bo DYAyê pêngavekî mezine û serkeftina dîplomasiya Kurd e.
Omer Şêxmûs got ku hevdîtina Mesrûr Barzanî ya bi wezîrê karên derve yê DYAyê bi Marco Rubio re, bi gelek endamên kongre ya Amerîkayê û rayedarên din yên Amerîkayê re, ji aliyê dîplomasiya Kurd de serkeftinekî gelek mezine.
Omer Şêxmûs ragihand ku hevpeyvîna serokwezîr Barzanî ya bi Fox Newsê re, giraniya xwe daye ser dîplomasî û siyaseta Herêma Kurdistanê û weha dewam kir:
“Peymanên bi şîrketên DYA re ku bihayê wan li dora 110 milyar dolariye, îmza kir, bo Herêma Kurdistanê hêzeka mezin û kapasiteyekî mezin da qezenckirin. Bo min ya girîng ew e ku peyman fermiye, qanûniye û li gor destûra Iraqê ye.”
Omer Şêxmûs di sala 1942an de li Binxetê (Rojava) li navça Amûdê hatiye dinyayê û yek ji damezrênerê Yekîtiya Niştîmanî Kurdistan (YNK) e. (PK)
