Hate ragihiandin ku Serokê Herêma Kurdistanê Nêçîrvan Barzanî, îro 25ê Nîsanê ji bo tevlîbûna merasîmên xatirxwestina Papayê Vatîkanê Papa Francis li ser navê Iraqê ber bi Roma ya paytexta Îtalyayê ve bi rê ket.
Serokatiya Herêma Kurdistanê ragihand, “Serokê Herêma Kurdistanê Nêçîrvan Barzanî îro (În, 25.04.2025) êvarê ji bo tevlîbûna merasîmên xatirxwestina Papayê Vatîkanê ber bi Romaya paytexta Îtalyayê ve bi rê ket.”
Hate diyarkirin ku wê Serokê Herêma Kurdistanê bi amadebûna merasîmên xatirxwestina Papayê Vatîkanê Papa Francis nûnerîtiya Iraqê jî bike.
Biryar e Serokê Herêma Kurdistanê Nêçîrvan Barzanî sibe 26ê Nîsanê li Vatîkanê tevlî merasîmên xatirxwestina Papayê Vatîkanê Papa Francis bibe, ku gelek kesatiyên mezin ji seranserê cîhanê tevlî wan merasîman dibin.
Vatîkanê doh ragihand ku, roja 26ê Nîsanê li meydana Qidîs Putrisê li Roma ya paytexta Îtalyayê 50 serokên welatan û 10 şah tevlî merasîmên binaxkirina termê Papa Francis dibin.
Serokê Îdare û Darayî yê Vatîkanê Kardînal Kevin Farrell, roja Duşemê mirina Papayê Vatîkanê Papa Francis ragihandibû. (PK)
