Wezîrê Berevaniyê yê Îsraîlê, Israîl Katz ragihand, baweriya wan bi serokê dema veguhêz a Sûriyeyê Ehmed Şera nayê û got, divê başûrê Sûriyê bibe herêmeke bêçek.
Israîl Katz, îro 27ê Sibatê da xuyakirin, hêzên wan wê li çiyayê Şêx û hin xalên din bo demeke nediyar bimînin û da zanîn, girîng e başûrê Sûriyê bibe devereke bêçek.
Wezîrê Berevaniya Îsraîlê herwiha got, hêzên wan êrîşî hêzên Sûrî yên hewl dane li başûrê Sûriyê cî bigrin, kiriye.
Katz tekez kir, Îsraîl pabend e bi piştevaniya dostên xwe yên Durzî li Sûriyê û ew hewl didin ku pêwendî di navbera wan de berdewam be.
Herwiha Katz diyar kir, di plana wan de heye rê bidin Sûriyên nêzîkî Îsraîlê li Colanê kar bikin. (PK)
