DAIŞê roja ewil a cejnê li bajarê Himsê yê Sûriyeyê êrişî sivîlan kir.
Li gorî ku çavkaniyên xwecihî didin zanîn, êriş li navçeyên Ferha û Um El-Tebabîrê yên rojhilatê Himsê pêk hatiye.
Har ragihandin ku hinek sivîl birîndar bûne lê li ser hejmara wan ti agahî nehatine dayîn.
Herwiha hinek kes winda bûne û çarenivîsa wan ne diyar e.
9ê vê mehê li wê herême 2 DAIŞî hatibûn kuştin û termên wan li erdê hatibûn kişkişandin.
Tê texmînkirin ku DAIŞê ji bo heyfhilanînê êrişî wê derê kiribe.
Li gorî amarên Rewangeha Mafên Mirovan a Sûriyeyê (SOHR), ji destpêka îsal ve li Sûriyeyê di şer û pevçûnan de 434 kes hatine kuştin ku 29 ji wan DAIŞî, 362 ji wan jî bi ser Hikûmeta Sûriyeyê ve ne.
Li hêla din, ji serê salê ve di şer û pevçûn û êrişan de 43 sivîl jî hatin kuştin.
Rûdaw
