Encûmena Gundê Guherzê daxwaz ji çekdarên PKK û artêşa Tirkiyeyê dike ku şerê xwe ji gundê wan û sivîlan dûr bixin û dibêje, ji ber rewşa şer, gundî nikarin cotkarî û sewalkariyê bikin.
Muxtar û Encûmena Encûmena Gundê Guherzê yê ser bi navçeya Amêdiyê ve, derbarê şerê roja Înê 21ê Sibatê di navbera çekdarên PKKê û hejmarek leşkerên Tirkiyeyê de, daxuyaniyek belav kir.
Li gorî daxuyaniyê, “Herêma Amêdiyê bi giştî û bi taybet gundê Guherzê, di çend salên borî de bûye qada şerê di navbera PKK û artêşa Tirkiyeyê de û ji ber wê jî gundî nikarin çandinî û sewalkariyê bikin.”
Di daxuyaniyê de hat got: “Di encama şerê di navbera PKK û artêşa Tirkiyeyê de, çendîn caran gule û top li milk, mal û otombîlên sivîlan ketine.”
Muxtar û Encûmena Encûmena Gundê Guherzê bang li PKK û artêşa Tirkiyeyê kir ku şerê xwe ji gundê wan û xelkê sivîl dûr bixin û rewşa ewlekarî û aliyên derûnî yên xelkê li ber çavan bigirin.”
Di daxuyaniyê de hat gotin jî: “Em aliyên pêwendîdar hişyar dikin ku em destêwerdanê di vî şerî de nakin û ewlehî û aramiya xelkê gundê xwe bi çi nirxî naguherînin.” (K24)
