Nûnerê Fraksiyona El-Sadiqûn yê li Parlamentoya Iraqê tekez kir, ku Iraq bi tundî li dijî hebûna hêzên artêşa Tirkiyê ye.
Parlamenterê Fraksiyona El-Sadiqûn Refîq El-Salihî di daxuyaniya xwe ya îro de got:
“Parlamentoyê berê tekezî li ser wê yekê kiribû ku divê hebûna hêzên leşkerî yên biyanî li Iraqê bi dawî were. Serê pêşîn hêzên Amerîkayê û yên Tirkiyeyê.”
Salihî di berdewamiya axaftina xwe de got:
“Ev biryara dawî ye û ji danûstandin û rêkeftina siyasî re ne vekirî ye.”
Salihî her wiha got, “Em li hemberî hebûna leşkerên Tirk li Herêma Kurdistanê nerazîbûneke berfireh a siyasî û gel dibînin. Ev rewş binpêkirina eşkere ya serweriya neteweyî ya Iraqê ye.” (PK)
