Serokê Giştî yê Partîya Welatparêzên Kurdistanê (PWK) Mustafa Ozçelîk:
Ji bo xizmeta ji zimanê kurdî, divê em bi dudilî û bi mesafe li dersa bijarte ya kurdî nenêrin!
Serîlêdana ji bo dersa bijarte ya kurdî (kurmancî, kirdkî/zazakî) roja 17.02.2025ê bi dawî tê.
Em bangî hemû malbatên kurdan dikin da ku ji bo zarokên xwe yên di polên 5, 6, 7 û 8ê de ne dersa bijarte ya kurdî (kurmancî, kirdkî/zazakî) hilbijêrin.
Heger em dersa bijarte ya kurdî hema bes weke kurseke bêpere ku ji alîyê dewletê ve tê dayîn jî bihesibînin, ev bi xwe jî kês û destkeftinek e û divê em li vê destkeftinê xwedî derkevin.
Lê xwedîderketina dersa bijarte ya kurdî qet nayê wê maneyê ku em dest ji mafên xwe yên perwerdeya bi zimanê kurdî û fermîbûna zimanê kurdî berdidin. Berevajîyê wê, di demeke ku dinyaya digital jî di asteke mezin û xeter de rê ji asîmîlasyonê xweştir dike de, hilbijartina dersa bijarte ya kurdî, piçekî be jî rê li ber girtina asîmîlasyonê ye, lêxwedîderketina zimanê kurdî ye, ji bo zarokên me kurdî fêrbibin gavek e.
Heger îro em mecbûr mabin ku zarokên xwe li dersa bijarte ya kurdî qeyd bikin, ev ne eyba me kurda ne. Heger eybek hebe, ew jî ya wê Dewleta Tirkîyeyê ku di Qanûna Bingehîn û hemû yasayên xwe de, hebûna 30 milyon kurdan tune dihesibîne; mafê perwerdeya bi zimanê kurdî û li gel tirkî fermîbûna zimanê kurdî qebûl nake.
Heger em bikaribin bi sedhezaran zarokên kurdan di dersa bijarte ya kurdî de qeyd bikin, ev yeka jî dê bingehê fermîbûn û perwerdeya bi zimanê kurdî xurtir bike.
Ji ber wê jî em ji bo dersa bijarte ya kurdî dibêjin: ‘’têrê nake, lê dîsa jî em dibêjin erê’’.
Belê, bikaranîna mafê dersa bijarte ya kurdî jî, ji bo bi sedhezaran zarokên kurdan, gavek e, îmkanek e, şansek e ji bo fêrbûn û lêxwedîderketina zimanê kurdî û divê em vê firsendê bi kar bînin.
Ji ber vê yekê jî em bangî hemû alî û kesên ku bi gotin, helwest, boykot, biçûkdîtin, rêlibergirtin, sistgirtinê, li dijî dersa bijarte ya kurdî derdikevin dikin, ku vê nêrîn û helwesta xwe li ber çavan derbas bikin, dest ji vê helwesta xwe berdin.
Divê herkesek lê hay bibe ku di vê pêvajoya ku em tê de derbas dibin de, bi kîjan sebebê dibe bila bibe, lêxwedîderneketina li dersa bijarte ya kurdî, di eslê xwe de dê zerarê bide hewlên ji bo fêrbûna zimanê kurdî û mixabin dê kêsê ji asîmîlasyonê re xweştir bike.
Werin em hem zarokên xwe li dersa bijarte ya kurdî qeyd bikin; hem jî ji bo ku dersa bijarte ya bi zimanê kurdî ji dibistana destpêkê ya zarokan û ji destpêka pola yekê heta dawîya pola 12yê bibe dersa mecbûrî û ji bo zimanê kurdî bibe zimanê fermî û bibe zimanê perwerdeyê, em xebat û têkoşîna xwe bidomînin, berfirehtir û xwirtir bikin. Ev herdu kar û xebat ne li dijî hev in; berevajîyê wê, dê piştgirîya hevdû bikin.
Her fikir û gaveke ku parastin û piştgirîya fermîbûn û perwerdeya bi zimanê kurdî (kurmancî, kurdkî/zazakî) dike, parastin û piştgirîya axaftin, nivîsandin, fêrkirina zimanê kurdî dike, zimanê kurdî diparêze, teşwîq dike, pêşde dibe, divê em girîng bibînin û em piştgirîya wê bikin.
Em bangî rayedarên Dewleta Tirkîyeyê dikin ku, dawî li her cûre astengîyên li ber hilbijartina dersa bijarte ya kurdî bînin. Em bangî hemû rêvebir û berpirsên li dibistanan dikin ku ji bo hilbijartina dersa bijarte ya kurdî ji malbatan re bibin alîkar û prosedura serîlêdanê hêsantir bikin.
Zimanê me hebûna me ye, zimanê me rûmeta me ye.
Em di jîyana xwe ya rojane de bi kurdî biaxivin û kurdî fêrbibin. Bi taybetî em bi zarokên xwe re bi kurdî biaxivin, ji bo ku zarokên me kurdî fêrbibin, em ji her îmkan û firsendê feydê bigrin û bikarbînin.
12.02.2025
Mustafa Ozçelîk
Serokê Giştî yê Partîya Welatparêzên Kurdistanê (PWK)
_________________________________________________________
Kürdistan Yurtseverler Partisi (PWK) Genel Başkanı Mustafa Özçelik:
Kürtçeye hizmet etmek istiyorsak, Kürtçe seçmeli derse temkinli, mesafeli ve ikircimli davranmayalım!
Kürtçe (Kurmanci, Kırmancki/ Zazaki) seçmeli derse başvurular 17 Şubat 2025 günü sona eriyor.
Tüm Kürt aileleri, 5, 6, 7, 8. sınıflarda okuyan çocuklarını Kürtçe (Kurmanci, Kırdki-Zazaki) seçmeli derse kaydettirmeye çağırıyoruz.
Kürtçe seçmeli ders hakkını, devlet tarafından verilen ücretsiz bir dil kursu olarak bile kabul etsek, bu bir kazanımdır ve mutlaka bu kazanıma sahip çıkmak lazım.
Çocuklarımızı Kürtçe seçmeli derse kaydettirmek, ana dille eğitim hakkımızdan, Kürtçenin resmi dil olması talebimizden vazgeçtiğimiz anlamına gelmez. Tam aksine, dijital dünyanın da daha fazla zemin hazırladığı asimilasyonun had safhaya vardığı bir süreçte, asimilasyona bir nebze de olsa ‘dur’ demektir, Kürtçeyi sahiplenmektir, çocuklarımızın Kürtçe öğrenmeleri için bir adım atmaktır.
Çocuklarımızı Kürtçe seçmeli derse kaydettirmek zorunda kalıyor olmamız, Kürtler olarak bizlerin değil; anayasında ve tüm yasalarında 30 milyona yakın Kürt nüfusunu yok sayan, Kürtçe anadille eğitim hakkını ve Türkçe ile birlikte Kürtçeyi de resmi dil olarak kabul etmeyen Türkiye Devleti’nin bir ayıbıdır.
Yüzbinlerce Kürt çocuğunun Kürtçe seçmeli dersi tercih etmesini sağlayabilirsek eğer; bu tablo, Kürtçe ana dilde eğitim ve Kürtçenin resmi dil olarak kabulü yolunu açacak güçlü, önemli bir faktör rolünü de oynayacaktır.
Bu nedenle de Kürtçe seçmeli ders için ’yetmez, ama evet’ diyoruz.
Kürtçe seçmeli ders yüzbinlerce Kürt çocuğunun Kürtçe öğrenmeleri için bir imkan ve şanstır. Bu hakka sahip çıkmanın Kürtçeye, Kürtçe öğrenmeye, Kürtçenin resmi dil ve eğitim dili olarak kullanılmasına hiç bir zararı yoktur.
Bu nedenle de, Kürtçe seçmeli ders hakkına sahip çıkmayan, desteklemeyen, soğuk duran, teşvik etmeyen, bu imkan ve şansı yok sayan, küçümseyen, boykot eden, engelleyen her türlü anlayış ve tutumun sahiplerini, bu tutumlarını gözden geçirmeye bir kez daha davet ediyoruz.
Kürtçe seçmeli ders hakkına hangi gerekçe ile olursa olsun, destek vermemenin, içinden geçmekte olduğumuz süreçte, aslında Kürtçe öğrenme çabalarına zarar verdiğini, asimilasyon siyasetine dolaylı da olsa daha uygun bir zemin hazırladığını görmemiz gerekiyor.
Gelin, hem çocuklarımızı Kürtçe seçmeli derse kayd edelim, hem de ana okulundan 12. sınıfa kadar Kürtçenin zorunlu bir ders olması için de, Kürtçe ana dilde eğitim ve Kürtçenin resmi dil olarak kabulü için de mücadelemizi sürdürelim; bu iki tutum biribirine engel değildir, tam aksine birbirini güçlendirecektir.
Kürtçe (Kurmanci, Kirdki-Zazaki) konuşmayı, yazmayı, öğrenmeyi, Kürtçe ana dilde eğitimi, Kürtçenin Türkçeyle birlikte resmi dil olmasını savunan, teşvik eden, destekleyen, geliştiren, uygulayan her adımı, her görüşü önemsemeli, desteklemeliyiz.
Türkiye Devleti’nin tüm yöneticilerini de Kürtçe seçmeli ders için tüm engelleri ortadan kaldırmaya, ilgili okul yöneticilerini ve ilgili sorumluları Kürtçe seçmeli ders için başvuruları kolaylaştırmaya ve ailelere bu konuda yardımcı olmaları için tüm sorumluklarını yerine getirmeye çağırıyoruz.
Dilimiz onurumuzdur, varlığımızdır.
Günlük yaşamımızda Kürtçe konuşalım, Kürtçe öğrenelim. Özellikle de çocuklarımızla Kürtçe konuşalım, çocuklarımızın Kürtçe öğrenmeleri için her imkanı değerlendirelim.
12.02.2025
Mustafa Özçelik
Kürdistan Yurtseverler Partisi (PWK) Genel Başkanı
