Partîya Welatparêzên Kurdistanê (PWK), roja 17ê Çileya Pêşîn a 2024ê, li Qoserê, li Teşkîlata
Mêrdînê ya PWKyê Roja Alaya Kurdistanê Pîroz kir.
Di destpêka pîrozbahîyê de, ji bo şehîdên Kurdistanê rêz hate girtin.
Piştî rêzgirtina ji bo şehîdan, Serokê Teşkîlata Mêrdînê ya PWKyê Mehmet Nezîr Gelerî, daxuyanîya PWKyê ya di derbarê Roja Alaya Kurdistanê xwend û vîdeoyek di derbarê Alaya Kurdistanê de hate pêşandan.
Nûnerên Partîya Demokrat a Kurdistanê-Sûrîye, (PDK-S), Tevgêra Avakirina Demokratî Kurdîstanî- Surîye, Partîya Demokrat a Kurd- Surî, PSKyê û gelek sîyasetmedar û rewşenbîrên kurd û endam û rêvebirên PWKyê beşdarî ve çalakîyê bûn.
Çalakîya PWKyê ya ji bo Roja Alaya Kurdistanê di atmosfereke berhemdar de derbas bû.
Teşkîlata Mêrdînê ya PWKyê pankarta Roja Alaya Kurdistanê jî li derveyî avahîya partîyê darve kir.
Buroya Ragehandinê ya Partîya Welatparêzên Kurdistanê (PWK)
