Partîya Welatparêzên Kurdistanê
Partîya Welatparêzanê Kurdistanî
Kürdistan Yurtserverler Partisi
Kurdistan Patriots Party
Komara Kurdistanî bi Serekkomarîya Pêşewa Qazî Mihemedî 78 serrî verê cû roja 22.01.1946î de Meydanê Çarçirayî yê bajarê Rojhilatê Kurdistanî Mehabad de Komara Kurdistanî amey îlankerdene. A roje Meydanê Çarçirayî de temsîlkarê her çar perçeyanê Kurdistanî estbî.
Komara Kurdistanî roja 17.12.1946î de hetê Dewleta Îranî ra şîya ra. Qazî Mihemed û 15 îdarekarê Komara Kurdistanî roja 31ê Adara 1947î de Meydanê Çarçirayî de hetê Dewleta Îranî ra ameyî dardekerdene. Komara Kurdistanî (Komara Mehabadî) tarîxê Kurdistanî de tecrûbeyêka zaf pîle û muhîm a ke heme Kurdistanîyê dinya pê serberz bîyê.
Cu, helwest , şexsîyet û wasîyet û pawitişnameyê Pêşewa Qazî Mihemedî yê mehkema eslê xo de raybaz û hişmendîya Kurdistanî û armancê Komara Kurdistanî pêşkêşê ma keno.
Belê, wasîyetê Pêşewa Qazî Mihemedî rayîrê azadîya her çar perçeyê Kurdistanî de akerdo. Gama ke ma ê wasîyetî bîyare ca do ruhê Pêşewa Qazî Mihemedî, yê Mele Mistefa Barzanî, yê Seyid Riza, Îhsan Nûrî Paşa, Xalid Begê Cibrî, Şex Seîd û yê heme şehîdanê Kurdistanî şa bo.
Serrgêra îlan kerdişê Komara Kurdistanî ya 78ine de, ma Pêşewa Qazî Mihemed, Pêşewayê eskerî yê Komara Kurdistanî Mele Mustafa Barzanî û heme ronayox û kedkaranê Komara Kurdistanî, şehîdanê Komara Kurdistanî û heme şehîdanê Kurdistanî bi hurmet yad kenê.
22.01.2024
Buroya Çapemenî ya Partîya Welatparêzanê Kurdistanî (PWK)
___________________________________________________________
Komara Kurdistanê ya serbilindîya hemû Kurdistanîyên cihanê ye
Komara Kurdistanê bi Serokkomarîya Pêşewa Qazî Mihemed 78 sal berê di roja 22.01.1946an, li Meydana Çarçirayê ya bajarê Mehabad a Rojhilatê Kurdistanê Komara Kurdistanê hate îlan kirin.Wê rojê li Meydana Çarçirayê nûnerên ji her çar perçeyên Kurdistanê amade bûn.
Komara Kurdistanê di roja 17.12.1946an de ji aliyê Dewleta Îranê ve hate rûxandin.
Pêşewa Qazî Mihemed û 15 rêvebirên Komara Kurdistanê di roja 31ê Adara 1947an de li Meydana Çarçirayê ji alîyê Dewleta Îranê ve hatin darve kirin.
Komara Kurdistanê di dîroka Kurdistanê de tecrûbeyeke gelek mezin û girîng e ku hemû Kurdistanîyên cîhanê pê serbilind bin.
Komara Kurdistanê di dîroka Kurdistanê de tecrûbeyeke gelek mezin û girîng e ku hemû Kurdistanîyên cîhanê pê serbilind bin.
Jiyan, helwest , şexsîyet û wasîyet û parastinnameya li mahkemê ya Pêşewa Qazî Mihemed di eslê xwe de rêbaz û hişmendîya Kurdistanî û armanca Komara Kurdistanê pêşkêşî me dike.
Belê, pêkanîna wasîyeta Pêşewa Qazî Mihemed herweha rê lêvekirina azadîya li her çar perçeyên Kurdistanê ye.
Gava ku em vê wasîyetê pêk bînin dê ruhê Pêşewa Qazî Mihemed, yê Mele Mistefa Barzanîyê nemir, yê Seyid Riza, Îhsan Nûrî Paşa, Xalid Begê Cibrî, Şex Seîd û yê hemû şehîdên Kurdistanê şad be.
Di 78emîn salvegera îlan kirina Komara Kurdistanê de, em Pêşewa Qazî Mihemed, Pêşewayê Leşkerî yê Komara Kurdistanê Mele Mustafa Barzanîyê nemir û hemû damezranêr û kedkarên Komara Kurdistanê, şehîdên Komara Kurdistanê û hemû şehîdên Kurdistanê bi rêzdarî bi bîr tînin.
22.01.2024
Buroya Ragehandinê ya Partîya Welatparêzên Kurdistanê (PWK)
