17ê çileya pêşîn Roja Alaya Kurdistanê ye.
Alaya Kurdistanê ya ku îro hatiye qebûlkirin, di 1920’î de ji alî Teşkîlatî Îctîmaîye Cemîyetî ya Kurdan ve bi biryarekê hatîye qebûlkirin.
Ev alaya, ji xetên sor, sipî û keskê û li ser xeta sipî ji rojê pêk hatîye.
Di 1927an de ew alaya ku di 1920ê de hatibû qebûl kirin, ji alîyê Xoybûnê ve li çiyayê Agirîyê hate bilind kirin.
Alaya Kurdistanê di 1932ê de li ser herdu bergên Hawarê, no: 11 (10 Çiriya Pashîn 1932) bi rengîn hatîye çapkirin.
Partîya Demokrat a Kurdistana Îranê, ew alaya wek Alaya Kurdistanê qebûl kir. Pêşmergeyên Partîya Demokrat a Kurdistana Îranê di roja 17yê çileya pêşîna ya 1945an de, li bajarê Mehabad a Rojhilatê Kurdistanê, Alaya Îranê ji ser Avahîya Şarevanîya Mehabadê rakirin, Alaya Kurdistanê li ser avahîyê ve darve kirin.
Dewleta Komara Kurdistanê Alaya Kurdîstanê wek Alaya Komara Kurdistanê (Komara Mehabadê) bi hinek guhertinên biçûk qebûl kir. Berîya ku Komara Kurdistanê birûxe, Pêşewa Qazî Muhemmed Alaya Kurdistanê ya Komara Kurdistanê dide Mela Mistefa Barzanî yê nemir û weha dibêje: “Vê Alaya Kurdistanê li bal xwe biparêze! Umîdwar im hûnê nehêlin ev alaya hanê bikeve erdê.”
Parlamentoya Herêma Kurdistanê, wê Alaya ku di 1920ê de hatibû amade kirin esas girt û di roja 11yê Mijdara 1999an de, 17yê çileya pêşîn weke Roja Alaya Kurdistanê îlan kir.
Ev Alaya Kurdistanê, wek nirxeke neteweyî eve ji 100 salî zêdetire ku wek Alaya Kurdistanê tê qebûl kirin.
Ev roj roja ku bi hestên neteweyî, niştimanî lêxwedî derketin û hildana ala Kurdistanê ye. Divê ev ala jibo hemû Kurdistaniyên cîhanê wek Alaya Kurdistanê bê qebûl kirin.
Em roja alaya rengîn a bi rûmet pîroz dikin.
17.12.2023
Buroya Ragehandinê ya Partîya Welatparêzên Kurdistanê (PWK)
———————————————————————————
Buroya Çapemenî ya Partîya Welatparêzanê Kurdistanî (PWK):
Roja Alaya Kurdistanî Pîroz Bo
17ê Teşrîna Peyêne Roja Alaya Kurdistanî ya.
Alaya Kurdistanî ya ke ewro ameya qebûlkerdiş serra 1920î de zî hetê Teşkîlatî Îctîmaîye Cemîyetî ya Kurdan ra bi qirarêk ameya qebûlkerdene.
Hetê Teşkîlatê Xoybûnî ke serewedaritişê 1937 yê Agirî tertip kerd ra Koyê Agirî ser o ameya berzkerdene.
Alaya Kurdistanî 1932î de her di qepaxê Kovara Hawarî, no: 11 (10 Teşrîna Peyêne 1932) bi rengîn amê çapkerdene.
Partîya Demokrat a Kurdistanî ya Îranî, na alaye sey Alaya Kurdistanî qebûl kerd. Pêşmergeyanê Partîya Demokrat a Kurdistanî ya Îranê roja 17ê Kanûne ya 1945î de, bajarê Mehabadî yê Rojhilatê Kurdistanî de, Alaya Îranî serê Awanîya Şaredarîya Mehabadî ra ard war, Alaya Kurdistanî serê awanîye de aliqna.
Dewletî Cumhurîyetî Kurdistan nuşt û na ale sey Alaya Komara Kurdistanî (Komara Mehabadî) qebûl kerd. Rijyayîşê Komara Kurdistanî ra ver, Pêşewa Qazî Muhemmed ala Kurdistanî ya Komara Kurdistanî dano Mela Mistefa Barzanyo qehreman û wina vano: “Na bawer kena şima do wayîrê na Alaya Kurdistanî vejîyê û nêverdê wa bigino erd ro.”
Parlamentoyê Herêma Kurdistanî roja 11ê Teşrîna 1999î de 17ê Teşrîna Payêne sey Roja Alaya Kurdistanî îlan kerd.
Na Alaya Kurdistanî, sey qîmetêka neteweyî 100 serrîyo ke sey Alaya Kurdistanî qebûl bîya.
Alaya Kurdistanî hetêk ra zî 200 serrîyo ke sembolê mucadeleyê azadî ya
Ganî na ale seba hemine Kurdistanîyanê dinya sey ala Kurdistanî bêra qebûl kerdene.
Ma Roja Alaya Rengîne ya bi rûmete pîroz kenê.
17.12.2023
Buroya Çapemenî ya Partîya Welatparêzanê Kurdistanî (PWK)
