Bi pêşengiya Enstîtuya Zimanên Zindî ya Zanîngeha Yuzuncu Yilê ya Wanê Sempozyuma 6emîn a Navneteweyî ya Kurdiyatê bi mijara “Ebdurrehîm Rehmî Hekarî û Mîrasa Wî ya Çandî” hat lidarxistin.
Sempozyuma 6emîn a Navneteweyî ya Kurdiyatê ya ku jiyana kesayetê navdar ê edebiyata Kurdî Ebdurrehîm Rehmî Hekarî dide nasîn bi beşdariya gelek kesan 2 rojan berdewam kir.
Sempozyum li Navenda Çandê ya Prof. Dr. Cengîz Andîç hat lidarxistin.
Rêktorê Zanîngeha Yuzuncu Yilê ya Wanê Prof. Dr. Hamdullah Şevlî, Şêwirmenda Serokkomarê Tirkiyeyê Gulşen Orhan, Hasan Cuneyd Zapsuyê neviyê Ebdurrehîm Rehmî Hekarî, Birêvebirê Enstîtuya Zimanên Zindî Abdulhadî Tîmurtaş, Serokê HUDA PARê yê Wanê Rasîm Saygin, Serokê AK Partiyê yê Wanê Abdulahat Arvas, akademîsyen, alim, bazirgan, serokên rêxistinên sivîl û xwendekar beşdarî sempozyumê bûn.
Di sempozyumê de ku 54 akademîsyenên ji 16 zanîngehên Tirkiye, Brîtanya, Swîsre, Îran û Îraqê beşdar in, nêzîkî 40 gotarî dê hatin pêşkêşkirin.
