Ji bo civatek serbixwe, demokratîk û azad!|Tuesday, December 11, 2018

Serok Barzanî: Serxwebûn, ji Kawa heta îro mafê Kurdan e! 

Li paytexta Kurdistanê li Hewlêrê Kongreya Heştemîn ya Yekîtiya Ciwanên Demokrat yên Kurdistanê tê lidarxistin.

Di kongreyê de Serok Mesûd Barzanî axaftinek kir û got ku wekî endamên Yekîtiya Ciwanên Demokrat yên Kurdistanê, di şoreşên Êlûn û Gulanê de me nehişt ku sivîl zerarê bibînin û me Kurdistan bi mêranî parast. Ji ber ku hinek îqtîdar û hukûmetan em wekî birayan jî û wekî cîranan jî qebûl nekirin, em mecbûr man ku bi wan re şer bikin.

Di pêvajoya referandûmê de ji bo ku Iraqeke nû were avakirin û pirsgirêk werin çareserkirin, em çûne Bexdayê û li gorî makezagonê, me cîrantî teklîfî wan kir. Di hevdîtinan de Rahmetiyê Nûşîrewan Mustafa, Yekgirtû, birayên me yên Tûrkmen û Fileh hemî jî hebûn. Ne duh ne îro û ne jî di pêşerojê de me çek û sîleh wekî rêbaz qebûl nekirin. Me negot hema em ê îro serxwebûnê îlan bikin.

Barzanî wiha dewam kir: “Serxwebûna Kurdistanê, ne mafê hinekan e ku bidin Kurdan; Serxwebûn mafekî Kurdan ê heq e ku ji Kawa heta îro Kurd li serê şêrr dikin.”

Barzanî got ku ev yek hatiye îspatkirin: “Ku PDK hêzdar be, Kurdistan jî hêzdar e. Em li ser sê prensîban disekinin; li Iraqê di hukûmetê de hevkariya jidil, wekhevî û denge. Heke hevkarî, ne li gorî van prensîban be, em di hukûmetê de cih nagirin.”

https://m.nerinaazad.org/kr/news/kurdistan/bashur/serok-barzani-serxwebun-ji-kawa-heta-iro-mafe-kurdan-e

Nerîna te