EREB

Li Rojhelata Navîn her roj rojev tê guhertin. Dost dibin neyar, neyar dibin dost. Yên ku mero dibêje tucar nayên ba hev, dibin “lawê bavên” hev. Dewlet bloqên xwe diguherin. Tirkîye pişta xwe dide Nato û Yekîtiya Ewropa, berê xwe dide bloqa Şanghai.

Wisa xwanêye ku wê İraq û Sûrî hilweşe û sînorê wan bê guhertin. Tirkiye ji vê rewşê pir ditirse; ji ber wê jî di nava panîkê de ye û li pey hev şaşîya dike.

Rexistina qaşo kurd, lê neyarê kurda û terorî ji her çar dewletên ku Kurdistan parvekirine re xizmetê dike û li gor berjewendiyên wan tevdigere. Hêza gelê kurd, keda gelê kurd, xwîna gelê kurd ji bo berjewendiyên neyara û li dij gelê kurd û Kurdistanê berhewa dikin!

Bi deh hezaran keç û xortên kurd, bê tu fêde hatin kuştin û têne kuştin, xaka Kurdistanê talan û wêran dibe. Hêvî û bawerîya gelê kurd, li pey xewn û xeyalên vala dişkê!

Li hember daxwaza qaymeqamê Şengalê û gelê Şengalê, ji Şengalê dernakeve û dixwaze ku Tirkiyê bikişîne Şengalê.

Tirkiye jî dibêje: “em nahêlin ku Şengal bibe Qandîla duyem.” Ku ew rêxistina terorî û neyarê kurdan ji Şengalê derkeve, wê Şengal tevlî Kurdistanê bibe û hinceta Tirkiyê namîne ku tekildarî Şengalê bibe.

Lê hinek der dor dixwazin ku rojhelata navîn aloztir bikin û Tirkiyê jî bikişînin vê avzêla rojhelata navîn.

Îran jî vala nasekine û li hêla Soran tevlihevîyê derdixe û alozî çêdike. Hinek mamosteyên Soran dimeşin û dibêjin em dixwazin bi rêveberîya merkezî ya Iraq re bijîn. Belkî hinek problemên aborî hebin, lê ev nayê weteya xiyanetê û nabe sebebê ku bê gotin em rêveberîya Kurdistanê naxwazin em dixwazin tevlî Iraqê bibin…

Li tevahîya Rojhelata Navîn û li gelek welatên dunyê qeyrana aborî heye û rêveberîya welatan hildiweşin.

Heta nuha, rêveberîya herêma Kurdistanê, sîyasetek gelekî rast û durust pêk anîye ku ew tevlî şerê mezhebî û netewî nebûye. Li himber DAİŞ ê tekoşînek bê hempa meşandîye.

Di nava xwe de, demoqrasîyek di asta herî bilind de pêk anîye. Ji ber vê, dewletên rojava piştgirîya wê dikin û hin ji wan dibêjin ku hûn serxwebûna xwe îlan bikin, emê we nasbikin.

Li Kurdistanê, hemî netew, kêm netew, ol, mezheb di nava aşitî û wekhevîyê de bi hevre dijîn. Lê bi Ereban re tu derfetên jîyanê nemaye. Nuha DAİŞ e; ev biçin wê hinin din bên dewsa wan. Ji nuha de HEŞDA ŞA’BÎ di dorê de ye ku cihê DAİŞ`ê bigre.

Bav û kalê me digotin: `Ereb dihatin diziye û talanê, bi dehan dihatin kuştin ya bizinek dibirin yan jî destvala vedigerîyan. Ji mêj ve ev talan û dagîrkerîya Ereban dom dike û bi nava xaka Kurdistanê de hatine û lê bi cih bûne. Bi vê talan û dagîrkerîya xwe û bi mertalê musulmanîyê xaka Kurdistanê ji xwe re kirine war. Îroj jî ev dagîrkerî û talan dom dike: li Kerkûkê li Mûsilê li Dêrikê li Heleb Efrîn û Çiyayê Kurmênc ev dagîrkerî û talan bi dijwarî dom dike.

Divê kurd hemî, tavilê li ser nirxên netewî di bin serperiştîya Rêzdar Berzanî de bibin yek û xak, al û netewa kurd ji hemî êrîş û dagîrkerîya Ereban biparêzin û dewleta xwe ava bikin!

Hevkarî û têkilîyên xwe bi Rojavayîyan re xurt bikin, Kurdistanê bikin dergûşa demoqrasî, wekhevî, şaristanî û mirovahîyê.

Divê qorîdora derya gewr bê vekirin û bihostek xaka Kurdistanê ji Ereban re neyê berdan.

Di dîroka Kurdan de tu carî derfet mîna vê rojê bi dest neketiye û wê bi dest nekeve jî.

Divê kurd tavilê bibin yek, xayin û neyarên kurda ji nava xwe derxin, dewleta xwe

ava bikin. Ev derfet ji dest biçe civat, dîrok, çanda kurd û zimanê kurdî namîne!..

03 KANÛN 2016

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir