YNK daxwaz dike ku di zûtirîn demê de roja hilbijartinên Parlamentoya Kurdistanê were diyarkirin, lê PDKê ragihand ku partiya wan wê bi guhertinên dawî beşdarî hilbijartinan bibe.
Serokê Şaxê Silêmaniyê yê Partiya Demokrata Kurdistanê (PDK) Arî Hersîn û Serokê Rêxistina YNKê yê Parêzgeha Silêmaniyê Ziyad Cebar têkildarî proseya Hilbijartina Serdema 6an a Parlamentoya Kurdistanê daxuyaniyeke hevpar a çapemeniyê li dar xistin.
Endamê YNKê Ziyad Cebar jî wiha got:
“Em her tim li ser wê bîr û baweriyê bûn ku di zûtirîn demê de hilbijartin bên kirin. Niha jî em çaverê dikin ku serokê hikûmeta Herêma Kurdistanê ji bo diyarkirina roja hilbijartinê bi hêzên siyasî re bişêwire.”
PDKê her tim lîsteya xwe amade kiriye’
Serokê PDKê yê Åžaxa Silêmaniyê Arî Hersîn jî got, “Em weke PDKê her tim ji bo hilbijartinan amade bûn. Lê derbarê rêbazên wan de nêrînên me hebûn. Bi guhertinên ku niha pêk tên, erê, em ê beÅŸdarî hilbijartinê bibin.”
Hersîn got, “PDKê her tim lîsteya xwe amade bû, hîn jî derfet heye ku li ser mijara komînan danûstandinan bike.”
Arî Hersîn got, YNK û PDK ne dijminên hev in, hevrikên hev in û divê Silêmanî hewl bide jîngeha hevrikiya aştiyane ava bike.
Hilbijartinên parlemanî yên îsal biryar bû di 10ê Hezîranê de bên lidarxistin, lê baykotkirina hilbijartinan ji aliyê PDK û pêkhateyên wê ve, bû sedem ku komîsyon proseya hilbijartinan rawestîne.
Şîroveyên PDKê û pêkhateyên wê bi giranî li ser biryara Dadgeha Federalî ya 22ê Sibata 2024ê bû, ku 11 kursiyên pêkhateyên etnîkî yên Parlamentoya Kurdistanê betal kiribû. Ev biryar li ser nerazîbûna YNKê hat dayîn.
Roja 20ê Gulana îsal, Desteya Dadweriya Hilbijartinan, piÅŸtî gilînameyekê derbarê dabeÅŸkirina kursiyên Parlamentoya Kurdistanê, biryar da ku 5 kursiyên Parlamentoya Kurdistanê ji bo pêkhateyên dawîn “bê tedbîrên ji bo parastina” mafê nûneratiyê yên komînan bên veqetandin.
Encûmena Dadwerî ya Hilbijartinan ku girêdayî Encûmena Bilind a Dadweriya Iraqê ye, biryar da ku 5 kursiyan ji pêkhateyên Parlamentoya Kurdistanê re were veqetandin.
Li gorî biryarê, di Parlamentoya Kurdistanê ya ji 100 kursî de 5 kursî ji bo Tirkmen, Mesîhî û Ermeniyan hat veqetandin. Ev kursî wek 2 kursî ji bo Hewlêrê, 2 kursî bo Silêmaniyê û kursiyek jî ji bo Duhokê hatin diyarkirin.
PK
