Werin em  Roja Alaya Kurdistanêbikin destpêka hevkarîyeke neteweyî û demokratîk!
Îro roja Alaya Kurdistanê ye.
Li her çar perçeyên Kurdistanê jî milletê Kurd, gelên Kurdistanê Roja Alaya Kurdistanê bi hişmendîyeke neteweyî pîroz dikin.
Di  sala 1919ê de Alaya Kurdistanê ji aliyê Cemiyeta Civaka Kurdistanê (Kurdistan Teşkîlat-ı İçtimaiye Cemiyetî) ve hat nexşkirin; bi sê şerîdên kesk, sipî û sor û di navendê da jî 21 tirêjên rojê yên zer…
Alaya Rengîn ne tenê sembola azadî, rizgarî û serxwebûna Kurdistanê ye. Alaya Rengîn ev sedsale ku di meş û têkoşîna azadî û serxwebûnê de rêberîya gelên Kurdistanê dike, di neqebên teng da, di karesat û serûbinîyên mezin da rêya me rohnî dike, hêvîyên me li ser pîyan dihêle.
Alaya Rengîn remza me ya neteweyî ye, remza têkoşîna me ya  bi zehmet û keser e.
Gelê me yê mêrxas di serê sedsala bîstan de bi ronahîya Alaya Rengîn  berxwedaneke bê hempa birêvebir.
Di 1927an de ew alaya ku di 1919ê da hatibû qebûl kirin, ji alîyê Xoybûnê ve li çiyayê Agirîyê hate bilind kirin.Ala Kurdistanê di 1932ê de li ser herdu bergên Hawarê, no: 11 (10 Çiriya Pashîn 1932) bi rengîn hatîye çapkirin.
Alaya Rengîn ji Çîyayê Agirîyê gihişte Rojhelatê welatê me. Komek Ciwanên Kurd di 17ê Çileya Pêşîn a 1945an de Alaya Rengîn li Mahabadê li avahîya dadgeha dewleta Îranê ve daliqandin. Alaya Rengîn li Komara Mehabadê him bû şahidê serkeftin û mizgînîya azadîyê, him jî bû sitare li ser yekemîn Komara Kurdîistanê.
Alaya ku Serokomar Pêşewa Qazî Mihemed wek emaneteke milli radestî  Mele Mistefa Barzanî yê nemir kir,  îro bi şanazî li Başûrê Kurdistanê li ser Parlamentoya Federe bilind dibe û pêl dide.
Parlamentoya Herêma Kurdistanê, wek qedirbilindî, di rûniştina xwe ya 11. 11.1999an de, roja 17ê Çileya Pêşîn, roja ku Alaya Kurdistanê di sala 1945î de li Dadgeha Mahabadê hatibû daliqandin, wek Roja Alaya Kurdistanê ilan kir.
Em baş dizanin ku her millet bi nasnameya xwe heye; bi ziman, çand, dîrok, nirx û remzên xwe yên neteweyî di nava malbata milettan da cîyê xwe digirin. Yê ku miletan di asta herî bilind da temsil dikin jî bêşik alaya wan e.
Alaya Rengîn berhemê têkoşîna dusedsalî, nîşana ked û xwîna bi sed hezaran evîndarên azadîyê ye.
Alaya Kurdistanê rûmeta me ye, remza bixwebawerî û bextewarîyê ye.
Em careke din Roja Alaya Kurdistanê pîroz dikin.
Em hemû şehîd, têkoşer, kedkarên doza azadî, rizgarî û serxwebûna Kurdistanê yê ku nehiştine Alaya Kurdistanê li erdê bikeve, her dem ev Alaya pîroz bilind kirinebi rêzdarî bibîr tînin.
Em dibêjin bila Roja Alaya Kurdistanê li Bakurê Kurdistanê bibedestpêka hevkarîyeke neteweyîû demokratîk; li her çar perçeyên Kurdistanê bila bibe destpêka  yekitî û tifaqên niştimanî û bibe destpêka azadîya Kurdistanê.
17.12. 2019
Partîya Azadîya Kurdistanê (PAK)Â
Partîya Sosyalîst a Kurdistanê (PSK)Â
Tevgera Demokratîk a Kurdistanê(TDK-TEVGER)
Bênê ma Roja Alaya Kurdistanî bike destpêkê hemkarîyêka neteweyîye û demokratîke!
Ewro roja Alaya Kurdistanî ya
Her çar parçeyanê Kurdistanî de zî miletê Kurd, şarê Kurdistanî Roja Alaya Kurdistanî bi hişmendîyêka neteweyî pîroz kenê.
Serra 1919 de Alaya Kurdistanî hetê Cemiyetê Komelê Kurdistanî (Kurdistan Teşkîlat-ı İçtimaiye Cemiyetî) ra ameye neqişkerdene; bi hîrê şerîdê kesk, sipî û sûre û mîyanê ci de zî tîja zerde …
Alaya Rengîne tenya sembolê azadî, xelasî û xoserîya Kurdistanî nîya. Alaya Rengîne seserrîyo ke rayşîyayîş û micadeleyê azadî û xoserî de rayberîya şaranê Kurdistanî kena, demanê tengan de, zehmetîyan de rayîrê ma roşnî kena, hêvîyanê ma ganî tepişnena.
Alaya Rengîne sembolê ma ya neteweyî ya, sembolê têkoşînê ma ya bi zehmet a.
Şarê ma yo jêhat sereyê seserra vîstan de bi roşnayîya Alaya Rengîne xoverrodayîşêko pîl da.
1927 de na alaya ke 1919 de ameybî qebûl kerdiş, hetê Xoybûnî ra Koyê Agirî de ameybî berzkerdene. Ala Kurdistanî 1932 de serê her di berganê Hawarî, no: 11 (10 Kanûna 1932) bi rengîne ameybî çapkerdene.
Alaya Rengîne Koyê Agirî ra resaya Rojhelatê welatê ma. Komêk Ciwanê Kurdî 17ê Kanûna 1945 de Alaya Rengîne Mahabad de awanîya dadgeha dewleta Îranî ser o aliqna. Alaya Rengîne Komara Mehabadî de hem bîye şahîdê serkewtiş û mijdanîya azadî, hem zî verên Komara Kurdistanî de bîye sitare.
Alaya ke Serokomar Pêşewa Qazî Mihemedî sey emanetêko millî teslîmê Mele Mistefa Barzanî yo nêmerdî kerd, ewro Başûrê Kurdistanî de Parlamentoya Federe ser o berz bîya û şîyena têra.
Parlamentoya Herêma Kurdistanî, sey qedirberzî, roniştişê xo yê 11. 11.1999 de, roja 17ê Kanûne de, roja ke Alaya Kurdistanî serra 1945î de Dadgeha Mahabadî de ameya aliqnayîş de, sey Roja Alaya Kurdistanî îlan kerd.
Ma baş zanê ke, her milet bi nasnameyê xo esto; bi ziwan, kultur, tarîx, erc û sembolê xo yê neteweyî mîyanê keyeyanê miletan da cayê xo gêno. Yê ke miletan sewîyeya tewr berze da temsil kenê zî bêşik alaya înan esta.
Alaya Rengîne berhemê têkoşînê diseserrî, nîşanê ked û gûnîya bi se hezaran heskerdoxê azadî ya.
Alaya Kurdistanî rûmeta ma ya, sembolê bixobawerî û keyfweşîye ya.
Ma reyna Roja Alaya Kurdistanî pîroz kenê.
Ma heme şehîd, têkoşer û kedkaranê dewaya azadî êyê ke têkoşînê xoserîya Kurdistanî de ca girewtê û nêverdayê Alaya Kurdistanî bikewa waro, her tim a Alaya pîroze berz kerdê înan bi rêzdarî yad kenê.
Ma vanê wa Roja Alaya Kurdistanî Bakurê Kurdistanî de biba destpêkê hemkarîyêka neteweyî û demokratîk; her çar parçeyanê Kurdistan de wa biba destpêkê yewitî û tifaqê neteweyî û biba destpêkê azadîya Kurdistanî.
17.12. 2019
Partîya Azadîya Kurdistanî (PAK)Â
Partîya Sosyalîst a Kurdistanî (PSK)Â
Tevgera Demokratîk a Kurdistanî(TDK-TEVGER)
