Tevgera Demokratîk a Kurdistanê     (TDK-TEVGER)
Tevgera Demokratîk a Kurdistanî   (TDK-TEVGER)
Kürdistan Demokratik Hareketi          (TDK-TEVGER)
Kurdistan Demokratische Bewegung (TDK-TEVGER)
Democratic Movement of Kurdistan  (TDK-TEVGER)
Li Tirkîyê di dezgehên fermî yên dewletê de wek nimûne di parlementoyê de axaftina bi kurdî û Bikarînana  navê Kurdistanê qedexe ye. Takekesên van mueyîdeyên kolonyalîstî û nîjadperestî nasnakin û bi helwestên xwe li dij derdikevin, bi cezayên hiqûqa kolonyalîstî ve rû bi rû dibin.
Parlementerê HDPê Nusrettin Maçin ji ber ku di 08-12- 2021an de, di axaftina xwe ya di parlementoyê de, navê Kurdistanê bi kar anîye ceza lê hat birîn û 3 rojan ji Parlementoyê hate bidûrxistin.
Herweha, dîsa parlementera HDPê Ayşe Surucu, di heman rojê de bi kurdî axaftin kir, cîgirê seroka parlementoya Tirk, Sureyya Sadî Bilgiç dengê mikrofona wê qirt.
Vê helwesta kolonyalîst û nîjadperest ya parlemntoya dewleta Tirk, ne cara yekem e û em bawer nakin ku bibe cara dawîn jî. Lewra ParlementoyaTirk, berdevk û parêzgerê hiqûqa kolonyalîst û nîjadperest e û vê helwesta xwe careke din li ber raya giştî yaTirkîyeyê û cîhanê îspat kir.
Parlementoya Dewleta Tirk, bi vê helwesta xwe îspat dike ku ew temsîlîya Kurd û Kurdistanê nake û loma jî cîyê çareserîya pirsgirêkên Kurd û Kurdistanê ne parlementoya Tirk e.
Em Tevgera Demokratîkya Kurdistanê TDK-Tevger, helwesta parlementoya Dewleta Tirk şermezar dikin!
Û bangî tevaya parlamenterên ji Kurdistanê hatine helbijartin yên tevaya partîyan dikin ku li himber vê helwesta nîjadperestî dengên xwe bilind bikin û di parlemtoyê de bi Kurdî biaxifin û gotina Kurdistanê bi kar bînin.
Bimre kolonyalîzm û nîjadperestî!
Bijî Kurd û Kurdistan!
Tevgera Demokratîk ya Kurdistanê
TDK-Tevger
