Tevgera Demokratik a Kurdistan – TEVGER
Kürdistan Demokratik Hareketi – TEVGER
Kurdistan Demokratische Bewegung – TEVGER
Democratic Movement of Kurdistan – TEVGER
Birêzan, hevrê û hogirên hêja!
Em weke TDK-TEVGER silavên xwe yên ji dil ji endamên Dîwana Kongerya 14an ya PDK, serokatî, berpirsiyar û hemû endamên we re dişînin.
Kongreya we, di demek ku tevgera rizgarîxwazîya neteweyî ya Kurdistanê di pêvajokeke gelekî girîng û hesas re derbas dibe de, tê li dar xistin. Bê gûman di vê pêvajoyê de, hevkarî, yekitî û hevahengîya nava hêz û partîyên neteweyî û kurdistanî gelek girîn e û heyatî ye. Parastina deskeftîyên Başûrê Kurdistanê û gihaştina armanca dewleteke serbixwe ku miletê Kurd û kurdistanîyan bi Referandûma Serxwebûna Kurdistanê pesen kiribû, dîsa bi pêkanîna yekitî, hevkarî û hevahengîya nava hezên neteweyî û kurdistanî mumkun e.
Loma jî em di vê bawerîyê de ne ku Kongreya we ya 14an ya bi dirûşma ”Azadî, Demokrasî û
Dadwerî” dest pê dike, wê ji bo parastin û berfirehkirina destkeftîyên Başûrê Kurdistanê û herweha ji bo hevahengî, hevkarî û yekitîya neteweyî biryaryên girîng bistîne û di vî warî de bibe destpêk, hêvî û gaveke nû.
Em weke TDK-Tevger dubare rêz û silavên xwe ji we hêjayan re dişînin û hevîdarîn ku Kongreya we ya 14an, di kar û xebata xwe de serketî be.
Bijî xebat û têkoşîna ji bo welatekî serbixwe, miletekî azad û civateke demokratîk!
Bijî hevkarî û yekitîya neteweyî û demokratîk ya miletê Kurd û kurdistanîyan!
Serketin dê her para miletê Kurd û kurdistanîyan be!
TDK – TEVGER
