Doh hejmarek kolberên kurd li sînora bajarokê Baneyê di dema veguhestina barên xwe yên kolberiyê de, ji aliyê hêzên sînorî yên Îranê gule li wan hatin reşandin. Di encamê de kolberekê bi navê Cafer Ferecî jiyana xwe ji dest da.
Li gorî nûçeya Tora Mafên Mirovan ya Kurdistanê, temenê Cafer Ferecî 40 salî ye, bavê 2 zarokan e û ji bajarê Seqizê ye.
Rojek beriya wê bûyerê, li gorî rapora Kolber News û dîmenên ku hatine belavkirin, roja Yekşemiyê 25ê Şibatê ya 2024an, li sînorê bajarê Baneya Rojhilatê Kurdistanê, piştî ku hêzên sînorî yên Îranê hejmarek hêstirên kolber û kasibkaran gulebaran kirin, di encamê de zêdetir ji 20 hêstir hatin kuştin.
Li gorî amarên ku di sala 2023an de hatine belavkirin, 299 kolber li sînor û rêyên navbera Urmiye, Sine û Kirmaşanê bi sedema gule reşandinên rasterast, û aşûtan jiyana xwe ji dest dane û birîndar bûne.
CH8
