Encam û wateya Şoreşa Îlonê

Tevgera Demokratik a Kurdistan – TEVGER
Kürdistan Demokratik Hareketi – TEVGER
          Kurdistan Demokratische Bewegung – TEVGER
        Democratic Movement of Kurdistan – TEVGER

 

Di 11 Îlon 1961 de bi serokatîya Mistefa Berzanî, li Başûrê Kurdistanê tekoşîna çekdarî destpêkir. Ev destpêka şoreşek ku encama wê heta îro berdewam dike. Şoreşa Îlonê, di tekoşîna gelê Kurd de cîyekî pir girîng girtîye.

Piştî têkçûna serhildan û berxwedanên li Bakurê Kurdistanê, hilweşandina Komara Kurdistan ya Mahabad û vegera Mistefa Berzanî ji Sovyetê ku mêtinkarîya Iraq bi hevkarîya her sê mêtinkarên din di warê pejirandina mafê gelê Kurd, dîsa dest bi înkar û şîddetê kir, bi beşdarîya gelê Kurd û seroktîya Berzanî Partî Demokratî Kurdistan 11. Îlon 1961 de dest bi tekoşîna rizgarîya Kurdistan kir.

Bi berdewamî û biryardarîya vê tekoşîna pêşmergeyî û beşdarîya gelê Kurd, di 11 Adar 1970 de rejîma Baasê zorgayî peymana Otonomîya 11 Adarê kir. Dîsa di bin re bi desttêwerdana mêtinkarîya Tirkîye, Sûrîye û Îran, bi taybetî rawestandina referandûma 1974 ji bo Kerkûk di nava sînorê Kurdistanê de cîh negire, plankirina sûîkastan li dij serok Berzanî û gelek dek û dolabên bi vî rengî, bû egerê xerabûn û têkçûna peymana otonomîyê.

Bi Peymana Cezayîr 26 Kanûn 1975 ya li hevhatina Îran û Iraq ku Emrîka û Tirkî jî beşdar bûn, bi komployek navdewletî destketinên Şoreşa Îlonê, Şoreşa 11 Adarê ya otonomîyê jî têkçû. Lê 26 Gulan 1976 bi fermana Serokê nemir Mistefa Berzanî bi rêvebirîya Qîyadeya Muwaqet û seroktîya Serok Mesûd Berzanî Şoreşa Gulanê destpêkir. Tekoşîna sîyasî û çekdarî ya bi Şoreşa Gulanê destpêkir, bi xwe re serhildan 1991 û avakirina  Kurdistana Federal anî.

Ji bo ku makezagona federal, ji alî gelê Iraq û yê Kurdistanê hatibû pejirandin, ji alî dewlet û hukumetên Iraqê nehat pêkanîn û gelek bendên makezagonê hat îhlalkirin, bi serokatîya Mesûd Berzanî û pejirandina hemû partîyên Kurdistanê biryara referandûma serxwebûnê hat girtin. Di 25 Îlon 2017 de referandûm di nava aştî û aramîyê de pêkhat. Gelê Kurdistanê ji sedî 93 (%93) biryara serxwebûnê da.

Wek encama Şoreşa 11 Îlonê, îro gelê Kurdistana Başûr di welatê xwe de bi azadî û serbilindî dijî.

Em şoreşa Îlonê li gelê Kurd pîroz dikin!

 

Tevgera Demokratîk a Kurdistan

TDK Tevger

Geef een reactie

Het e-mailadres wordt niet gepubliceerd. Vereiste velden zijn gemarkeerd met *