Di encama teqîna bombeyekê di nav hêzeke hevbeş a Pêşmerge û artêşa Iraqê de, 2 efser û pêşmergeyekî şehîd bûn.
Peyamnêrê K24ê da zanîn, îro 17ê Mijdarê danê sibê li gundê Pelkanê yê Xurmatû bombeyeke bi hêzeke Lîwaya hevbeş a Pêşmerge û artêşa Iraqê de hatibû bicîkirin, teqiya.
Li gor zanyariyên K24ê, di encama teqînê de Eqîd Saman Saber Silêman, Eqîd Mihemed û pêşmergeyekî şehîd bûne. Her wiha 3 leşkerên artêşa Iraqê jî birîndar bûn.
Peyamnêrê K24ê da zanîn jî, leşkerên birîndar û termên şehîdan ji bo nexweşxaneya Xurmatû hatin rakirin.
K24
