Yekîtiya Weşangerên Kurd li dijî biryara tayînkirina qeyûm derket û ragihand, “Îradeya gel di ser her tiştî re ye.”
Yekîtiya Weşangerên Kurd bi bîr xist ku di hilbijartinên herêmî yên 31ê Adarê de, li Colemêrgê wekî hevşaredar li ser navê DEM Partiyê Mehmet Siddik Akiş û Viyan Tekçeyê qezenc kir.
Di 3ê Hezîrana 2024an de bi hinceta lêpirsînekê Mehmet Sidik Akiş hat desteserkirin û dewletê, waliyê Colemêrgê wekî qayûm li şaredariyê tayîn kir.
“Îradeya gel di ser her tiştî re ye”
Yekîtiya Weşangerên Kurd got:
“Em wekî Yekîtiya Weşangerên Kurd vê helwesta şaş a ku vîna gel, hiqûq û edaletê binpê dike qebûl nakin.
Divê dewlet vê biryara şaş demlidest bi paş ve vekişîne û li ser navê Colemêrgiyan hevserokên ku wan hilbijartiye, birêz Mehmet Siddik Akiş û Viyan Tekçe vegerin ser karê xwe û wan temsîl bikin.
Îradeya gel di ser her tiştî re ye.”
Weşanên endamên Yekîtiya Weşangerên Kurd ev in:
Weşanên Ar
Weşanên Lîsê
Weşanên Sîtavê
Weşanên Aramê
Weşanên Ma Muzîkê
Weşanên Sorê
Weşanên Aryen
Weşanên Morî
Weşanên Tevnê
Weşanên Avayê
Weşanên Nayê
Weşanên Wardozê
Weşanên Avestayê
Weşanên Nûbiharê
Weşanên Weqfa Mezopotamyayê
Weşanên Belkîyê
Weşanên Pallê
Weşanên Zîlan Akademî
Weşanên Darayê
Weşanên Payîzê Weşanên Zîzê
Weşanên Dengê
Weşanên Peywendê
Weşanxaneya Azad
Weşanên Doyê
Weşanên Ronyayê
Weşanxaneya Lûvîyê
Weşanên Dozê
Weşanên Roşnayê
Weşanxaneya Ronî
Weşanên Enstîtuya Kurdî ya Stenbolê
Weşanên Rûpelê
Weşanxaneyê Vateyî
Weşanên J&Jyê
Weşanên Sarê
Weşanên Kurdistanê
Weşanên Sîdarê
Çi bûbû?
Hevserokê Şaredariya Colemêrgê Mehmet Siddik Akiş doh bi biryara Wezareta Karên Navxwe ya Tirkiyeyê ji kar hat dûrxistin û li Wanê hat desteserkirin.
Heman rojê Parêzgarê Colemêrgê Alî Çelîk li cihê wî wekî qeyûm hat danîn.
DEM Partiyê piştî danîna qeyûm biryar da li hemû şaredariyan dest bi nobetê bike.
Piştî vê biryarê jî li bakurê welêt pêleke qedexeyan dest pê kir û li 11 parêzgehan qedexeya çalakiyan hat ragihandin.
Heta niha li parêzgehên Amed, Mêrdîn, Êlih, Şirnex, Sêrt, Bedlîs, Wan, Colemêrg, Agirî, Mûş û Îdirê yên Bakurê Kurdistanê qedexe hatiye ragihandin.
