Serok Barzanî li Bexdayê bi balyozên 8 welatên Eraban re civiya.
Serok Mesûd Barzanî piştî 6 salan çû Bexdaya paytexta Îraqê.
Ofîsa Barzanî ragihand ku Serok Mesûd Barzanî di çarçoveya temasên xwe yên li Bexdayê de bi balyozên van welatan re civiya:
– Balyozê Kuwêtê yê ÃŽraqê Tariq Abdulla Elferec
– Balyozê Qeterê yê ÃŽraqê Sultan Mubarek Elkubeysî
– Balyozê Misirê yê ÃŽraqê  Ehmed Semîr Hilmî
– Balyozê Behreynê yê ÃŽraqê Xalid Ehmed Elmensur
– Balyozê Umanê yê ÃŽraqê Şêx Mehmûd Elxirusî
– Wekîlê Balyozê Urdinê yê ÃŽraqê Zêd Ebu Hisan
– Wekîlê Balyozê Erbistana Siûdiyê yê ÃŽraqê Seîd Elqehtanî
– Wekîlê Balyozê ÃŽmaratê yê ÃŽraqê Mihemed Salih Eltinîcî
Li gorî daxuyaniyê, Serok Barzanî diyar kiriye ku li Îraqê ji bo çareserkirina pirsgirêkan atmosfereke erênî heye û ew dikarin li ser bingeha wê rewşa nû bigihîn encamên baş ên ji bo çareserkirina pirsgirêkan û nehiştina astengiyan.
Serok Barzanî diyar kiriye ku dê dîtina çareseriyeke bingehîn bandorê li ser aramiya Îraq û herêmê bike.
Serok Barzanî bal kişand ser hebûna hêzên Hevpeymaniya Navneteweyî ya li Dijî DAIŞê jî û ragihand ku divê hebûna wan di çarçoveya peyman û lihevhatineke niştimanî û liberçavgirtina berjewendiyên Îraqê de be.
Balyozan jî hêvî kiriye ku ziyareta Serok Barzanî bibe cihê xêr û aramiyê.
Balyozan herwiha aniye zimên ku welatên wan ji bo bihêzbûna ewlehî û aramiya Îraqê û çareserbûna problemên siyasî yên Îraqê piştgirên Îraqê ne.
