Li Rojavayê Kurdistanê platformek derbarê windabûyan hate avakirin û hewl hene çarenivîsa bi hezaran kesên winda were diyar kirin.
Piştî 13 salan ji qeyrana Sûriyê, rewşa hezaran windabûyan nehatiye diyar kirin. Ji bilî kuştinê, aliyên şer li wî welatî bûn sedema ku bi dehezaran kes winda bibin.
Heta niha jî ne di milê xwecihî de ne ji navdewletî ti karekî cidî derbarê xuya kirina çarenivîsa windabûyan de nehatiye xuyar kirin.
Li Qamişloya Rojavayê Kurdistanê paltforma Malbatên Windabûyan li Bakur û Rojhlatê Sûriyê hate avakirin.
Ebas Mûsa: Em niha rewşên windabûnê belge dikin
Kordînetorê Platforma Malbatên Windabûyan li Bakur û Rojhilatê Sûriyê Ebas Mûsa ji Kanal8ê re ragihand, wan yekser dest bi belgekirina rewşên windabûnê kirine.
Li gorî Mûsa Em armanc dikin çarenivîsa windabûyan diyar bikin, her wiha barê malbatên windabûyan jî kêmtir bikin.
Tevî ku Netewên Yekbûyî sala 2023an ragihand wan lijneyek şopandina rewşa kesên winda li Sûriyê avakirine lê heta niha ti pêşketinên berbiçav pêk neanîne.
SNHR: Nêzî 112,000 kes li Sûriyê ji destpêka qeyranê ve windayî ne
Tûra Sûrî ya Mafê Mirovan diyar dike ku li Sûriyê ji destpêka qeyranê û heta niha derdora 112 hezar kes windayî ne û rewşa wan jî nayê zanîn.
Li gorî raporeke BBC malbatên windabûyan li Sûriyê 900 milyon dolar dane da ku çarenivîsa wan nas bikin.
Li Sûriyê heta niha bi dehzaran kes winda ne.
Destpêka sala 2024an, lijneya windabûyan ya girêdayî Rêveberiya Xweser diyar kiribû, li gorî amarên wan nêzî 3 hezar kesên herêma Bakur û Rojhilatê Sûriyê winda ne.
CH-8
