Serokê Baroya Diyarbekirê Nahît Eren ku du serdeman seroktiya baroyê dike, beriya hilbijartinên meha Cotmehê ragihand ku ew cardin nabe namzed û vekişîna xwe eşkere kir.
Nahît Eren daxuyaniyek belav kir û tê de got, ew ji bo hilbijartina 12-13ê Cotmehê ya Baroya Diyarbekirê nabe namzed û wiha pê de çû:
“Ji roja min serokatiya wê girtiye ser xwe ve, min dabû zanîn ku hilbijartinên baroyê bi berpirsiyartiya nirx û bedelên giran hatiya pêkanîn û Baroya Diyarbekirê nefesa gelê Kurd e ku ger bêdeng bimîne wê Kurd û Kurdistan bênefes bimînin.”
Parêzer Eren spasiya hempîşeyên xwe û Desteya Rêvberiya Baroyê kir û xwest, hilbijartinên baroyê ji bo civata hiqûqê, baroyê û bajar bi xêr be.
PK
