Şaredariya Bajarê Mezin a Wanê ragihand ku hinek kesan êrişî goristaneke wî bajarê Bakurê Kurdistanê kiriye û bi dehan gor hatine rûxandin.
Şaredariya Bajarê Mezin a Wanê li ser hesabê xwe yê medyaya civakî ragihand ku hinek kesan êrişî Goristana Akkopruyê kiriye.
Li gorî daxuyaniyê, êriş derengiya şêva sêşemê çêbûye û bi dehan gor hatine rûxandin.
Şaredariya Bajarê Mezin a Wanê her wiha da zanîn ku wan giliyê wan kesan kiriye ku gor rûxandine.
Gorên hatine rûxandin ji aliyê karmendên şaredariyê ve careke din hatin çêkirin.
Şaredariya Bajarê Mezin a Wanê hinek dîmenên wê goristanê jî li ser hesabê xwe yê Xê belav kirin.
