Komên çekdar ên opozîsyona Sûriyê ku Tirkiye piştevaniya wan dike, li herêma Efrînê 5 kes revandin.
Çavdêriya Mafê Mirovan a Sûriyê (SOHR) ragihand, koma bi navê “Polîsê Leşkerî” kurdek li gundê Birka yê li navçeya mabeta revand û ber bi cihekî nediyar bir.
Li navçeya Cindirêsê jî 2 kesên ku di dema dawî de ji Lubnanê vegeriyabûn, bi tohmeta ku berê pêwendiya bi Rêveberiya Xweser re hebûye, hatin revandin.
SOHRê da zanîn ku li navçeya Şera jî 2 welatî ji aliyê koma El-Cebha El-Şamiyê ve hatin revandin û paşê bi dayîna 2 hezar dolar fîdye hatin berdan.
Hêjayî bibîrxistinê ye, li Efrînê ku niha werzê çinîna zeytûnan e, ji bilî dizî û talankirina zeytûnan û ferzkirina bacên giran li ser cotkaran ji aliyê komên çedar ve, welatî jî têne revandin û li hember dayîna fîdyeyê wan berdidin.
PK
