Wezîrê Navxwe yê Hikûmeta Herêma Kurdistanê Rêber Ehmed di merasîma ragihandina Rêbera Silametiyê de got, “Di kabîneya nehem a Hikûmeta Herêma Kurdistanê çaksaziyên girîng di awayê hemî dezgehên Wezareta Navxweyî de hatine kirin, ji bo ku bi karnameya kabîneyê û nerîna Serokwezîr û xizmetkirina gel û bilindkirina kalitiya xizmetan re bigunce.”
Ehmed da zanîn, “Me bizavên cidî kirine da ku karên dezgehên bergiriya şaristanî li kêleka bingehên navneteweyî yên bingehên karkirinê bên bilindkirin û bi awayekî jêhatî û alavên nûjen şiyanên wan bên zêdekirin, da ku bikarin welatiyan û dezgehên Kurdistanê ji karesatên xwezayî û encamên wan biparêzin.”
Wezîrê Navxwe eşkere kir, “Bingehên sereke yên erkê bergiriya şaristanî pêşîlêgirtina karesatan, amadekarî ji bo rûbirûbûnê, bersivdayîna karesat û krîzan û hevahengî û alîkariya xelkî ji bo jiyanê û rabûnê ne.”
Rêber Ehmed ragihand, “Ji bo amadekariyên van karan û di bin rênimayî û fermana Serokwezîr Mesrûr Barzanî de, asta birêvebirinê ya bergiriya şaristanî ji bo Rêveberiya Giştî hatiye bilindkirin û ji dezgehên polîsan hatine cudakirin.”
Wezîrê Navxwe eşkere kir, “Bicîhanîna Rêbera Silametiyê dê biyavê karesatên mezin kêm bike. Bi piştgiriya Serokwezîr Mesrûr Barzanî, baştirîn celebên trimbêl û amûrên agirvemirandinê bi qebareyên biçûn û mezin li ber destê tîmên bergiriya şaristanî ne.”
Rêber Ehmed tekez kir, “Kontrolkirin û rizgarkirina canê xelkî bûye navenda baldariya welatiyên me û bajarên din ên Iraqê. Me girîngiyeke zêde bi mijara perwerdekirin û amadekieina karmendên bergiriya şaristanî daye, di çarçoveya Peymangeha Bergiriya Şaristanî û Akademiya Serkirdetî û û Birêveberinê ya girêdayî Wezareta Navxwe de.”
Rêber Ehmed got, “Şîyanên tîmên bergiriya şaristanî ya Kurdistanê di bûyerên cuda cuda yên şewat û lehiyan de li Kurdistanê sal bi sal xurttir dibin û di pêşerojeke nêzîk de em dê bibînin ku, teknolojiya û dronên pêşkeftî di vemirandina agirî de li Kurdistanê dê bên xebitandin.” (PK)
