Hate ragihandin ku li Efrînê Kurdekî Êzidî yê 70 salî bi navê Fewzî Ehmed Elî, çima ku qebûl nekiriya mala xwe bide çekdaran hatiye revandin.
Li gorî Navenda Belgekirina Binpêkirinan a Efrînê, bûyer li navçeya Şêrewa gundê Basûfanê qewimî ye û welatiyê bi navê Fewzî Ehmed Elî (70) yê daxwaza çekdarên bi ser Tirkiyê ve red kiriye û mala xwe nexwestiye bide wan.
Hate diyarkirin ku çekdaran gotiye, ew ê mala wî bikin mizgeft û wî jî qebûl nekiriye û paşê hatiye destgirkirin. Malbatê daye zanîn ku çarenivîsa kalemêrê Kurd nediyar e û nizanin ew birine ku derê. (PK)
