Li gorî agahiyên ji çavkaniyên herêmî, artêşa Îsraîlê tevgera xwe ya leşkerî li gundewarên parêzgehên Dera û Quneytra yên li başûrê Sûriyeyê zêde kiriye. Di çarçoveya van tevgeran de, leşkerên Îsraîlê ketine çend gundan û xalên kontrolê yên nû ava kirine.
Li parêzgeha Quneytrayê jî hêzeke Îsraîlî ku ji 5 wesayîtên leşkerî pêk dihat, derbasî gundê Samdaniyeyê bû. Li gorî ajansên nûçeyan ên herêmî, leşkeran li gund xaleke kontrolê danî, wesayîtên sivîlan rawestandin, nasnameyên rêwiyan kontrol kirin û piştî lêgerînê rê dan wan ku derbas bibin.
Ev pêngavên dawî weke beşek ji zêdekirina tedbîrên ewlehiyê yên Îsraîlê li nêzîkî xeta agirbestê ya li Bilindahiyên Golanê tên dîtin. (PK)
