114 xelatkiriyên xelata Nobel bi belavkirina daxuyaniyeke dîrokî ya hevpar, tevî piştevanîkirin li xelkê Îranê, tepeserkirina xelkê Îranê ji aliyê rêjîma Îranê ve bi tundî şermezar kirin û ragihandin ku xwenîşander li Îranê bi bilindkirina dengê xwe yê azadîxwaziyê, her cure dîktatoriyek çi şahitî be û çi olî, red kirine û daxwaza komareke dêmokratîk, ploralîst û dûr ji her gendeliyekê dikin.
Li vê daxuyaniya hevpar de hatiye ku rêjîma Îranê bo rêgirîkirin ji vê serhildanê, bi tenê li sala 2025ê de zêdetir ji 2 hezar û 200 girtî bidar vekirine û tevî tepeserkirina hovane û bêşermaneya xelkê, rêjîmê nekariye ji serhildanê rêgiriyê bike, xelkê Îranê hêjayê piştevanîkirina bihêz û micid a cîhana azad in.
Em xelatkiriyên xelata Nobel, daxwaz ji rêberên welatên pêşketî yên cîhanê dikin ku bi piştevanîkirin li xelkê Îranê bo guherîn, azadî û dadpeweriya civakî, bi tevlîbûna Îranê bi civaka gelên dêmokratîk, alîkariyê bidin wan.
Beşek ji wajokerên vê daxuyaniyê ev in: “President Jose Ramos-Horta, Lech Walesa, Oscar Arias, Daron Acemoglu, Pierre Agostini, Peter Agre, Harvey J Alter, Carlos Filipe Belo, Mairead Corrigan Maguire, Leymah Roberta Gbowee û …hd”.
